جەلتوقسان ايىنداعى مەرەكە كۇندەرىنە وراي 4 باعىت بويىنشا قوسىمشا پويىزدار قاتىنايدى. بۇل تۋرالى  "جولاۋشىلار تاسىمالى" اق باسپا ءسوز قىزمەتىنە سىلتەمە جاساپ، Qamshy.kz اقپارات اگەنتتىگى حابارلايدى.

باسپا ءسوز قىزمەتىنىڭ مالىمدەۋىنشە، "الماتى-2 – شىمكەنت" باعىتى بويىنشا 12 رەيس "الماتى – 2"- دەن 28 قاراشا، 2، 5، 9، 12، 16، 19، 23، 26، 30 جەلتوقسان جانە 2، 6 قاڭتاردا شىقسا، سايكەسىنشە شىمكەنت قالاسىنان 29 قاراشا، 3، 6، 10، 13، 17، 20، 24، 27، 31 جەلتوقسان جانە 3، 7 قانتار كۇندەرى كەرى باعىتتا اتتانادى.

ال "الماتى – 2 – تۇركىستان" باعىتى بويىنشا 4 رەيس "الماتى-2"-دەن 28 قاراشا جانە 5، 17، 24 جەلتوقسان كۇندەرى، ال تۇركىستاننان، سايكەسىنشە، 29 قاراشا جانە 6، 18، 25 جەلتوقسان كۇندەرى شىعادى.

سونداي-اق "ماڭعىستاۋ – بەينەۋ" باعىتى بويىنشا كۇنارا ماڭعىستاۋدان 28 قاراشادان باستاپ 6 قاڭتارعا دەيىن جۇپ كۇندەرى، ال بەينەۋدەن 29 قاراشادان باستاپ 7 قاڭتارعا دەيىن تاق كۇندەرى جۇرەدى.

ودان وزگە "نۇر-سۇلتان – شۋ" باعىتى بويىنشا "تۇلپار – تالگو" ۆاگوندارىنان جاساقتالعان ەكى رەيس 31 جەلتوقسان مەن 2 قاڭتاردا جۇرەدى. سونداي-اق، №712/711 "نۇر-سۇلتان-نۇرلى جول – شىمكەنت" كوممەرسيالىق پويىزى 8 جەلتوقساننان باستاپ كۇن سايىن قاتىنايدى.

تولىق اقپاراتتى  "105" ءبىرىڭعاي انىقتاما قىزمەتىنىڭ نومىرىنە حابارلاسىپ، بىلە الاسىز.