نازاربايەۆ جۇيەسىنىڭ باس يدەولوگى بولعان مارات تاجين ەۋروپا استى. «قارت قۇرلىققا» كەتتى. ەندى جىراقتا ءجۇرىپ نازاربايەۆ پەن توقايەۆتىڭ، ەلدىڭ سىرتقى ساياساتىن جۇرگىزەتىن بولادى.
ول كەلەر جىلى الپىسقا كەلەدى. الپىس-تال ءتۇس...
ءبىراق ماسەلە مىنادا: ءبىز ءتاجيننىڭ ۇلت ءۇشىن جاسايتىن ۇتىمدى جوبالارىن، ينتەللەكتۋالدىق پوتەنسيالىن تولىققاندى پايدالانا الدىق پا؟
ول اكىم بولعان جوق. وبلىستان وبلىسقا اۋىسىپ، اكىم قارانىڭ شەكپەنىن كيگەن جوق. ول ۇنەمى اقوردادا ءجۇردى.
پرەزيدەنت اكىمشىلىگىندە ىستەدى.
ول مەملەكەتتىك حاتشى بولدى.
قاۋىپسىزدىك كەڭەسىنىڭ حاتشىسى قىزمەتىن اتقاردى.
سىرتقى ىستەر ءمينيسترى بولدى.
قازاقستاننىڭ رەسەيدەگى ەلشىسى قىزمەتىندە ءجۇردى.
سوسىن اقورداعا قايتا ورالدى.
ۇلتقا قاتىستى ۇتىمدى جوبالاردىڭ بارلىعىنىڭ باسى-قاسىندا مارات تاجين ءجۇردى.
ول قازاقستان ساياساتىنداعى اۋىر سالماقتى تازا، ادال ساياساتكەر ەدى.
ونىڭ اتىنان ءسوز ەرگەن جوق.
ول بىلىق-شىلىقتان، جەمقورلىقتان بويىن اۋلاق ۇستادى.
"ءبىراق ونىڭ ساياساتتاعى ءداۋىرى اياقتالدى" دەپ بولجام جاساۋعا بولا ما؟
ويتكەنى ونىڭ پەنسياعا شىعۋىنا ءۇش-اق جىل قالدى.
ونىڭ قازاققا قاتىستى «تاريح تولقىنىندا»، «مادەني مۇرا»، «رۋحاني جاڭعىرۋ» باعدارلاماسىنىڭ ءوزى نەگە تۇرادى.؟
... ول ەندى چەحيادا تۇرادى.
پىكىر قالدىرۋ