بۇگىن ورتالىق كوممۋنيكاسيالار قىزمەتى الاڭىندا ماڭعىستاۋ وبلىسىنىڭ اكىمى سەرىكباي ترۇموۆ  ءوڭىردىڭ الەۋمەتتىك-ەكونوميكالىق دامۋى تۋرالى جانە اتقارىلىپ جاتقان جۇمىستار جايىندا بايانداپ، جۋرناليستەردىڭ ساۋالدارىنا جاۋاپ بەردى.

ماڭعىستاۋ وبلىسىنىڭ ەكونوميكالىق دامۋى سوڭعى ءۇش جىلدا 3،7 پايىزعا ءوسىپ، ونەركاسىپتىك ءونىم ءوندىرىسىنىڭ كولەمى 2.4 ترلن. تەڭگەگە تەڭەستى. بۇل ەلىمىزدە وندىرىلگەن ءونىمنىڭ 10%-ى (رەسپۋبليكادا اتىراۋدان كەيىن 2 ورىن). وبلىس ونەركاسىبىنىڭ 90 پايىزدىق ۇلەسىن تاۋ-كەن ءوندىرۋ ونەركاسىبىنە تيەسىلى. ال مۇناي ءوندىرۋ كولەمى 15 ملن. تونناعا جۋىقتادى.

وبلىس اكىمىنىڭ بايانداماسىنا سايكەس، جىل باسىنان بەرى 2،9% وسىممەن بيىل وڭىرگە 445 ملرد. تەڭگە كولەمىندە ينۆەستيسيا تارتىلىپ، 29 ملرد. تەڭگەنى قۇرايتىن 10 ءىرى ينۆەستيسيالىق جوبانى جۇزەگە اسىرۋ جوسپارلانعان. قازىرگى تاڭدا ونىڭ 5 جوباسى تولىقتاي ىسكە قوسىلدى. اتاپ ايتساق، «اقتاۋتەڭىزپورتى» ارنايى ەكونوميكالىق ايماعىندا «Satex Chemi» بيتۋم ەمۋلسياسى نەگىزىندە گيدرو-وقشاۋلاعىش ماتەريالدار وندىرەتىن زاۋىت ىسكە قوسىلدى. «BEST-Group NS» ج ش س جەل ەلەكتر ستانسالارىن سالۋ جوباسىن ءساتتى جۇزەگە اسىردى. سونداي-اق،  ءوڭىردىڭ ەكونوميكالىق دامۋىنا وڭ سەرپىن بەرەتىن، جالپى قۇنى 1.8 ملرد. اقش دوللارىن قۇرايتىن مەتانول مەن ولەفين وندىرەتىن زاۋىت پەن ازىربايجانمەن بىرلەسكەن تالشىقتى-وپتيكالىق بايلانىس جەلىسى جوباسى قولعا الىندى.

وڭدەۋ ونەركاسىبىنىڭ كولەمى 131 ملرد. تەڭگەنى، ال ونىڭ جىو-دەگى ۇلەسى 5،7 پايىزدى قۇرادى. 2022 جىلعا جاساقتالعان جوسپارعا سايكەس بۇل كورسەتكىشتى 10-12 پايىزعا ءوسىرۋ كوزدەلىپ وتىر. بۇل وڭدەۋ ونەركاسىبىنىڭ سەرپىندى دامۋىنا ەرەكشە ىقپال ەتەدى دەپ كۇتىلۋدە.

ءوڭىر باسشىسىنىڭ مالىمەتىنە سۇيەنسەك، بيىل «نۇرلى جەر» باعدارلاماسى اياسىندا 961 مىڭ شارشى مەتر تۇرعىن ءۇي پايدالانۋعا بەرىلىپ، الەۋمەتتىك از قامتىلعان ساناتىنداعىلار باسپانالى بولۋى ءۇشىن تۇرعىن ءۇي سەرتيفيكاتتارىن بەرۋ شاراسى دا ءساتتى جۇزەگە اسۋدا. قازىرگى تاڭدا وبلىستا قۇنى 22 ملرد.تەڭگەنى قۇرايتىن 32 جوبا ىسكە اسىرىلۋدا. بۇل جوبالاردىڭ نەگىزگى ماقساتى – تۇرعىنداردى، ونىڭ ىشىندە حالىقتىڭ الەۋمەتتىك وسال توپتارىن (مۇگەدەك بالالارى بار، كوپبالالى از قامتىلعان وتباسىلار، جەتىم جانە اتا-انا قامقورىنسىز قالعان بالالار) قولجەتىمدى باسپانامەن قامتۋ. وبلىس اكىمى كەلتىرگەن دەرەكتەرگە سۇيەنسەك، «بيزنەستىڭ جول كارتاسى - 2020» باعدارلاماسى ىسكە قوسىلعالى بەرى وبلىستا  قۇنى 87 ملرد. تەڭگەنى قۇرايتىن 935 جوبا جۇزەگە اسقان. ال بيىل 4 ملرد. تەڭگەگە 170 جوبا سۋبسيديالانعان. وسى جۇمىستار ناتيجەسىندە 5000-عا جۋىق جاڭا جۇمىس ورىندارى قۇرىلىپ، 13 636 جۇمىس ورنى ساقتالدى.

بيىل جەكە كاسىبىن جۇرگىزۋگە ىنتالى ازاماتتارعا 2،2 ملرد. تەڭگەگە شاعىن نەسيە بەرىلدى. جاڭادان ىسكە قوسىلعان 279 جوبا اياسىندا 397 جاڭا جۇمىس ورنى اشىلدى. ال «نۇر كاپيتال» وڭىرلىك باعدارلاماسى بويىنشا 2،2 ملرد. تەڭگەگە 113 جوبا قارجىلاندىرىلىپ، 932 جۇمىس ورنى قۇرىلدى. ناتيجەسىندە جۇمىسسىزدىق دەڭگەيى 4،8 پايىزعا تومەندەدى. شاعىن جانە ورتا بيزنەستى دامىتۋ باعىتىندا اتقارىلعان جۇمىستار ناتيجەسىندە 30 مىڭنان استام جۇمىس ورنى بوي تۇزەدى.

سونداي-اق، سەرىكباي ترۇموۆ  وڭىردەگى سۋ تاپشىلىعىن جويۋ ماقساتىندا  «كاسپيي» سۋ تۇششىتۋ» زاۋىتىنىڭ  تاۋلىكتىك قۋاتىن 40 مىڭعا دەيىن كوبەيتۋ بويىنشا قۇرىلىس جۇمىستارى باستاۋ العاندىعى تۋرالى مالىمدەدى. بۇدان بولەك، «كەندىرلى» ايماعىندا (50 مىڭ ت.م)، قۇرىق اۋىلىندا (45 مىڭ ت.م) جانە «قاراجانباس» كەنورنىندا (17 مىڭ ت.م)، بارلىعى 112 مىڭ تەكشە مەتردى قۇرايتىن سۋ تۇششىتۋ زاۋىتتارىن سالۋ جوسپارلاندى. ناتيجەسىندە اۋىز سۋ ءوندىرۋ كولەمىن 130 مىڭ تەكشە مەترگە دەيىن جەتكىزۋگە مۇمكىندىك بەرەدى. وڭىردە اۋىلداردى ورتالىقتاندىرىلعان اۋىز سۋمەن قامتۋ كورسەتكىشى - 69%، جىل سوڭىندا 75%-عا جەتكىزۋ جوسپارلانعان.  (حالىق سانىنا شاققاندا - 93%).

باسپا ءسوز ماجىلىسىندە وبلىس اكىمى ءوڭىردىڭ ترانزيتتىك جانە كولىكتىك-لوگيستيكالىق الەۋەتىنە ەرەكشە نازار اۋداردى. توعىز جول تورابىنداعى تۇبەكتە توعىساتىن ماگيسترالدى جەلىلەر ساپاسىن  جاقسارتۋ باعىتىندا اتقارىلىپ جاتقان اۋقىمدى جۇمىستار جايىن باياندادى. بيىل «بەينەۋ-اقجىگىت-وزبەكستان شەكاراسى» اۆتوجولى قولدانىسقا بەرىلگەن. قازىرگى تاڭدا «جەتىباي –جاڭاوزەن –تۇركىمەنستان» اۆتوجولى قۇرىلىسى قىزۋ ءجۇرىپ جاتىر. 

سونداي-اق وبلىسىشىلىك جولداردى اعىمداعى جانە كۇردەلى جوندەۋ جۇمىستارى قارقىن الىپ كەلەدى. «اۋىل – ەل بەسىگى» باعدارلاماسى اياسىندا اۋىلىشىلىك جولداردى جوندەۋ جۇمىسىنا 7 ملرد. تەڭگە بولىنگەن.

ماڭعىستاۋ وبلىسىندا باسىمدىق بەرىلگەن سالانىڭ ءبىرى – تۋريزم كلاستەرى. وسى باعىتتا ءقازىر اقتاۋ قالاسىندا تۇركيالىق ينۆەستورلاردىڭ (سەمبول كونتراكشن) قاتىسۋىمەن قۇنى 57 ملرد.تەڭگە بولاتىن 500 ورىنعا ارنالعان تۋريستىك قوناق ءۇي كەشەنىنىڭ قۇرىلىسى جۇرۋدە. نىساننىڭ 1ء-شى كەزەڭى 2020 جىلدىڭ سوڭىندا ىسكە قوسىلادى (600  جۇمىس ورنى قۇرىلادى).

قىزمەت كورسەتۋ سالاسىنداعى قاجەتتى ماماندار تۇركياداعى قوناق ءۇي كەشەندەرىنەن قازىردەن باستاپ ارنايى وقىتۋدان ءوتىپ جاتىر. ناتيجەسىندە الەمدىك تالاپتارعا ساي قىزمەت كورسەتەتىن مامانداردىڭ بىلىكتىلىگى ارتادى.

باسقوسۋ بارىسىندا ماڭعىستاۋ وبلىسىنىڭ اكىمى وڭىردەگى وزگە دە وزەكتى ماسەلەلەر جونىندە ماعلۇمات بەردى. كاسىپكەرلىك ءورىسىن كەڭەيتۋ، وڭدەۋ ونەركاسىبىن ورىستەتۋ، قالا كەلبەتىن كوركەيتۋ، ەكولوگيالىق احۋالدى جاقسارتۋ سەكىلدى اسا ماڭىزدى دۇنيەلەر ءسوز بولدى.