ەلباسىنىڭ سوزىنە قاراعاندا، «نۇر وتان» پارتياسى پارلامەنتتىك سايلاۋعا دايىندىقتى باستاپ كەتتى. وسى تۇستا بىرنەشە سۇراق تۋىندايدى.
1. ەگەر سايلاۋ مەرزىمىنەن بۇرىن وتكىزىلەتىن بولسا، ءوز ۋاقىتىندا وتەدى دەگەن ۋادەسى قايدا قالادى؟
2. ال ەگەر ازاماتتىق سەكتوردىڭ اتىنان تۇسەتىن جاڭا، تاۋەلسىز پارتيالاردى تىركەۋدەن وتكىزبەيتىن بولسا، ونىڭ قازىرگى پارلامەنتتەن ەش ايىرماسى بولمايدى. وندا سايلاۋ وتكىزۋدىڭ نە كەرەگى بار؟
3. ەلباسىنىڭ سوزىنە سۇيەنە وتىرىپ، ولار «نۇر وتان» پارتياسىنىڭ قوعامدىق پىكىردىڭ بارلىق سپەكترىن قامتيتىنىنا سەنىمدى بولىپ وتىر.
وندا ءبىر عانا پارتياسى بار پارلامەنت بىزگە نە ءۇشىن قاجەت؟ ودان دا «نۇر وتانعا» زاڭ شىعارۋ باستاماشىلىعى مەن زاڭ قابىلداۋ قۇقىعىن بەرىڭىزدەر، وسى ءۇشىن پارلامەنتتى ۇستاپ تۇرۋدىڭ قاجەتى شامالى.

مىناداي وزگەرىستەرسىز ەلىمىزدە لايىقتى ءارى ارەكەتكە قابىلەتتى پارلامەنتتىڭ بولۋى ەكىتالاي:
- بيلىكتىڭ زاڭ شىعارۋشى تارماعى تولىعىمەن تاۋەلسىز بولمايىنشا؛
- پارلامەنتتە ازاماتتىق سەكتور كەمىندە 35% داۋىسقا يە بولمايىنشا؛
- پارلامەنتتە كەمىندە ءۇش تاۋەلسىز پارتيا بولمايىنشا.

ال ول ءۇشىن جوق دەگەندە ءۇش زاڭ شىعارۋ كەرەك:
1. ميتينگ تۋرالى زاڭ.
2. پارتيا تۋرالى زاڭ.
3. سايلاۋ تۋرالى زاڭ.

مۇنداي زاڭدار اشىق تالقىعا سالىنبايىنشا، ءبىز جاڭا، ارەكەتكە قابىلەتتى پارلامەنتتى كورە المايمىز. بۇل تۋرالى توقايەۆتىڭ ۇقسك-نىڭ ەكىنشى باسقوسۋىندا نە ايتاتىنىن كورەيىك.

«ءبىز - بۇكىل قازاقستان حالقىنىڭ پارتياسىمىز. ەلىمىزدىڭ جانە حالقىمىزدىڭ بولاشاعى ءۇشىن جاۋاپتى ناقتى ىستەر پارتياسى. ءبىزدىڭ قازاقستان دامۋىنا ارنالعان ايقىن ماقساتتارىمىز بار"، - دەدى ءوز سوزىندە تۇڭعىش پرەزيدەنت".

مارعۇلان سەيسەمبايدىڭ فەيسبۋك پاراقشاسىنان الىندى