ەلىمىزدە جول اپاتى سالدارىنان 39 ادام قازا بولىپ، 289 ادام جاراقات العانى ىشكى ىستەر مينيسترلىگىنىڭ الاڭداۋشىلىعىن تۋدىرىپ وتىر، – دەپ جازادى Qamshy.kz اقپارات اگەنتتىگى.
اپاتتىڭ نەگىزگى سەبەبى – جول ەرەجەلەرىنىڭ ساقتالماۋى. قايعىلى وقيعاعا كوبىنەسە جىلدامدىقتىڭ ارتۋى، تىيىم سالاتىن جانە ەسكەرتەتىن بەلگىلەرگە نازار اۋدارماۋ جانە ولاردى ەلەمەۋ اكەپ سوققان،– دەپ ىشكى ىستەر مينيسترلىگىنىڭ باسپا ءسوز قىزمەتى حابارلايدى
اۋا-رايىنىڭ ناشارلاۋىنا بايلانىستى ىشكى ىستەر مينيسترلىگى تۇرعىندارعا قاراپايىم، ءبىراق وتە ماڭىزدى ەرەجەلەردى ساقتاۋ كەرەكتىگىن ەسكەرتەدى.
ەڭ ءبىرىنشى قىستىڭ باستالۋىنا وراي، قىسقى نەمەسە تىكەنەكتى شينالار ورناتۋ. ودان كەيىن ءاۆتوموبيلدى جىلىتۋ جانە اينەكتەردىڭ جىلۋ ۇرلەۋ جۇيەسىن تەكسەرۋ.
سونداي-اق سۋىتۋ جۇيەسىندەگى سۇيىقتىقتىڭ مينۋس تەمپەراتۋراسى كەزىندە پايدالانۋعا جارامدىلىعى مەن جاي-كۇيىن تەكسەرۋ.
ودان وزگە ديزەل قوزعالتقىشتارى بار كولىك قۇرالدارى ءۇشىن قىسقى ديزەل وتىنىن پايدالانۋ.
ەڭ باستىسى، قىسقى جولدا ءاۆتوموبيلدىڭ تەجەگىش قاشىقتىعى ايتارلىقتاي ۇلعاياتىنىن ەستە ساقتاۋ قاجەت.
ەگەردە كەنەتتەن ءقاۋىپ تۋىنداعان جاعدايدا جۇرگىزۋشىنىڭ جىلدامدىقتى ۋاقىتىندا تومەندەتىپ، كولىكتى توقتاتۋعا مۇمكىندىگى بولۋى ءتيىس.
مينيسترلىك باسپا ءسوز قىزمەتىنىڭ مالىمدەۋىنشە، ءقاۋىپتى مانيەۆر جاساۋعا جانە شۇعىل تەجەۋگە بولمايدى. وسى سەبەپتەن كوكتايعاقتا جۇرگىزۋشى رولگە يە بولا الماي قالۋى مۇمكىن دەيدى.
پىكىر قالدىرۋ