ءماجىلىستىڭ جالپى وتىرىسىندا "پەداگوگ مارتەبەسى تۋرالى" زاڭ جوباسى ءبىرىنشى وقىلىمدا ماقۇلداندى، – دەپ حابارلايدى Qamshy.kz اقپارات اگەنتتىگى. 

"بۇل زاڭ جوباسى ەلباسى نۇرسۇلتان نازاربايەۆتىڭ تاپسىرماسىمەن ازىرلەندى جانە مەملەكەت باسشىسى قاسىم-جومارت توقايەۆتىڭ ءبىلىم سالاسىنا قاتىستى العا قويعان مىندەتتەرىن جۇزەگە اسىرۋعا باعىتتالعان. سوندىقتان ەكىنشى وقىلىمعا دەيىن تاعى دا جان-جاقتى تولىقتىرىپ، پەداگوگتىڭ بارلىق تالاپتارىنا ساي كەلەتىن ساپالى قۇجات قابىلدايمىز دەپ سەنىم بىلدىرەمىن"، –  دەپ ءماجىلىس ءتوراعاسى نۇرلان نىعماتۋلين ءمالىم ەتتى.

ەسكە سالساق، جاڭا زاڭ جوباسى 4 باعىتتى قامتيدى.

ءبىرىنشى – ۇستازداردىڭ قۇقىقتارىن كەڭەيتۋ جانە وزىنە ءتان ەمەس جۇمىستان بوساتۋ، جۇكتەمەسىن ازايتۋ بولسا، ەكىنشى –  ءمۇعالىم قىزمەتىنە قوياتىن تالاپتاردى كۇشەيتۋ. ال ءۇشىنشى – ماتەريالدىق ەمەس تەتىكتەر جانە ءتورتىنشى – ماتەريالدىق ىنتالاندىرۋ.