كراكوۆتىق "ۆيسلانىڭ" جاڭا ويىنشىسى، قازاقستان قۇراماسىنىڭ جارتىلاي قورعاۋشىسى گەورگيي جۋكوۆ پولشالىق كلۋبتىڭ ەڭ قىمبات فۋتبولشىسى اتاندى، - دەپ حابارلايدى Qamshy.kz اقپارات اگەنتتىگى Vesti.kz سايتىنىڭ دەرەگىن نەگىزگە الىپ.
Transfermarkt.com مالىمەتىنشە، جۋكوۆتىڭ ترانسفەرلىك قۇنى - 1،2 ميلليون ەۋرو. وسىلايشا، قازاقستاندىق فۋتبولشى "ۆيسلانىڭ" ەڭ قىمبات ويىنشىسى اتاندى. بۇل تىزىمدە ەكىنشى ورىندا پولشا قۇراماسىنىڭ حاۆبەگى ياكۋب بلاششيكوۆسكي تۇر، ول ميلليون ەۋروعا باعالانادى. ءۇشىنشى ورىندا جارتىلاي قورعاۋشى ۆۋلنەت باشا، ونىڭ ترانسفەرلىك قۇنى - 750 مىڭ ەۋرو.
ايتا كەتەيىك، 25 جاستاعى گەورگيي جۋكوۆ بۇعان دەيىن الماتىلىق "قايراتتىڭ" نامىسىن قورعاعان بولاتىن. جارتىلاي قورعاۋشى ءوز كارەراسىندا بەلگيالىق "بەەرسحوت"، گوللانديالىق "رودا"، رەسەيلىك "ۋرال" جانە ەلوردالىق "استانا" ساپىندا ويناعان.
پىكىر قالدىرۋ