قورعانىس ءمينيسترىنىڭ ورىنباسارى تيمۋر داندىبايەۆ ارىس تۇرعىندارىنان ءالى دە شاعىم ءتۇسىپ جاتقانىن ايتتى، – دەپ حابارلايدى Qamshy.kz اقپارات اگەنتتىگى. 

داندىبايەۆتىڭ ايتۋىنشا، قالا-اۋماعىنان وق-دارىلەردىڭ قالدىقتارى ءالى تابىلىپ جاتىر. ءبىراق، ولاردىڭ جارىلۋ ءقاۋپى جوق.

"تۇرعىنداردان ءارتۇرلى شاعىمدار تۇسەدى. ولار وق-دارىلەردىڭ بولشەكتەرىن تاۋىپ العانىن ايتادى. ءبىز جەدەل ارەكەت ەتۋ توبىمەن ول جەرگە بارىپ، ءوق-دارىنىڭ كوزىن جويۋ ءۇشىن ونى باسقا جەرگە اپارامىز. قازىرگى تاڭدا ارىس قالاسىنىڭ تۇرعىندارىنا جانە ەلدى مەكەندەرگە ءقاۋىپ ءتونىپ تۇرعان جوق. ءتيىستى جۇمىس جۇرگىزىلىپ جاتىر"، – دەدى ورتالىق كوممۋنيكاسيالار قىزمەتىندە وتكەن بريفينگتە قورعانىس ءمينيسترىنىڭ ورىنباسارى.

سونداي-اق ول بۇگىندە اسكەري ماماندار ارىستاعى وق-دارىلەر ساقتالعان بازانى تازالاۋعا كىرىسكەنىن جەتكىزدى.

"تابىلعان جانە تاسىمالداۋعا كەلمەيتىن فراگمەتتەردى بىردەن جويامىز. ماماندار ءتيىستى جۇمىس جۇرگىزىپ، قاۋىپسىزدىك شارالارىن ساقتايدى. جارىلعىش زاتتاردى جويۋعا ارنالعان ادىستەمە بار. قالا ينفراقۇرىلىمى مەن تۇرعىنداردىڭ قاۋىپسىزدىگىن ساقتاۋ ءۇشىن ءتيىستى جۇمىس جۇرگىزىلەدى"، – دەيدى داندىبايەۆ.

ونىڭ مالىمدەۋىنشە، سوڭعى ۋاقىتتا وسىنداي ادىسپەن ءوق-دارىنىڭ 3 فراگمەنتى جويىلعان.

ەسكە سالساق، 24 ماۋسىم كۇنى تۇركىستان وبلىسى ارىس قالاسىنداعى اسكەري ءبولىمنىڭ ءوق-دارى قويماسىندا جويقىن جارىلىس بولدى.