ۇكىمەت 2013 جىلدان بەرى اۆتوكولىك ساتىپ الۋعا 650 ميلليارد تەڭگە جۇمساعان،– دەپ حابارلايدى Qamshy.kz اقپارات اگەنتتىگى، inbusiness.kz -كە  سىلتەمە جاساپ.

قارجى مينيسترلىگىنىڭ مالىمدەۋىنشە، 2016 جىلى رەسپۋبليكالىق جانە جەرگىلىكتى بيۋدجەتتەن اۆتوپارك جاڭارتۋعا 97،3 ملرد، 2017 جىلى 160 ملرد، 2018 جىلى 123 ملرد تەڭگە جۇمسالعان.

2013 جىلدان بەرى ۇكىمەت بيۋدجەتتەن اۆتوكولىك ساتىپ الۋعا 650 ميلليارد تەڭگە بولگەن. سالىستىرمالى تۇردە العاندا، ۇزاق جىلداردان بەرى جىر بولعان "سارىارقا" گاز قۇبىرىن (1031 شاقىرىم) تارتۋعا 267 ميلليارد تەڭگە كەتكەن.

ەسكە سالساق، ستاتيستيكا بويىنشا قازاقستاندا 98 مىڭ مەملەكەتتىك قىزمەتكەر بار. ونىڭ 453ء-ى – ساياسي، 285ء-ى – "ا" كورپۋسىنداعى شەندىلەر. ال قالعان 97 مىڭ ادام – "ب" كورپۋسىنىڭ قىزمەتكەرلەرى.