جارما اۋدانىنداعى تابىس كولەمىنىڭ 72،4 پايىزى ونەركاسىپ وندىرىسىنە تيەسىلى. بۇل تۋرالى شقو ايماقتىق كوممۋنيكاسيالار قىزمەتىندە وتكەن بريفينگ بارىسىندا اۋدان اكىمى احمەتقالي نۇرعوجين ءمالىم ەتتى.

– وڭدەۋ ونەركاسىبى سالاسىندا تاۋار ونىمدەرىنىڭ جانە كورسەتىلگەن قىزمەتتەردىڭ كولەمى 15،5 ملرد تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 642 ملن. تەڭگەگە نەمەسە 4،3%-عا ءوستى، – دەدى اۋدان باسشىسى.

بيىل تاۋ-كەن ونەركاسىبى سالاسىنان 168،2 ملرد تەڭگە ءتۇستى. بۇل وتكەن جىلدىڭ سايكەس كەزەڭىمەن سالىستىرعاندا 4،6 ەسەگە كوپ. احمەتقالي ءنۇرعوجيننىڭ ايتۋىنشا، اعىمداعى جىلى اۋداندا 1 171،4 مىڭ توننا اكتاس جانە گيپس («اسار ينۆەست»)، 371،4 مىڭ توننا قيىرشىق جانە ۇساق تاس («اس ينكوم»)، 16،9 مىڭ توننا سازبالشىق جانە كاولين («سەمەي جولدارى»)، 2 242،1 مىڭ توننا قۇرامىندا التىن بار كەندەر («بگپ») ءوندىرىلدى.

– «كازاحسەمەنت» جشس-دا 150،1 مىڭ توننا كلينكەر مەن 175،8 مىڭ توننا سەمەنت شىعارىلدى. ال «اس گورنياك»، «ۆاسيليەۆسكوە» جشس-دە 335 كەلى التىن مەن 28 كەلى كۇمىس ءوندىرىلدى. سونداي-اق سورعى جابدىقتاۋ زاۋىتىنىڭ جۇمىسشىلارى 115 دانا تەپكىش ناسوستار جاساپ شىعاردى، – دەدى احمەتقالي نۇرعوجين.