مەملەكەت باسشىسى قاسىم-جومارت توقايەۆ گەرمانياعا رەسمي ساپارمەن باردى دەپ جازادى Qamshy.kz اقپارات اگەنتتىگى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي حابارلادى.
"بۇگىن قازاقستان پرەزيدەنتى كانسلەر انگەلا مەركەلمەن كەلىسسوزدەر وتكىزەدى. مەملەكەتتەر باسشىلارى ەكىجاقتى قارىم-قاتىناستاردىڭ جاي-كۇيى مەن دامۋ پەرسپەكتيۆالارىن تالقىلايدى. قاسىم-جومارت توقايەۆ ساپار بارىسىندا پرەزيدەنت فرانك-ۆالتەر شتاينمايەرمەن جانە گفر-دىڭ بەلگىلى ساياساتكەرلەرىمەن كەزدەسەدى.
مەملەكەت باسشىسى 6 جەلتوقسان كۇنى بەرلين ەۋرازيالىق كلۋبىنىڭ 28-وتىرىسىنا قاتىسىپ، ءسوز سويلەيدى. سونداي-اق ءبىرقاتار نەمىس كومپانيالارىنىڭ باسشىلارىمەن كەزدەسۋ وتكىزەدى"، -دەپ جازدى بەرىك ءۋالي.
پىكىر قالدىرۋ