اقپارات جانە قوعامدىق دامۋ ءمينيسترى داۋرەن ابايەۆ ۋكراينانىڭ سىم-گە جاۋاپ بەردى دەپ جازادى Qamshy.kz اقپارات اگەنتتىگى.
ەسكە سالساق، قاسىم-جومارت توقايەۆ قىرىمنىڭ رەسەيمەن قوسىلۋىن اننەكسيا دەپ سانامايدى. ق ر اقپارات جانە الەۋمەتتىك دامۋ ءمينيسترى داۋرەن ابايەۆ ۋكراينا ءسىم-نىڭ جاعىمسىز رەاكسياسىنا جاۋاپ بەردى.
"رەسەي مەن ۋكراينا اراسىنداعى تەكەتىرەستىڭ بولۋى جانە جانجالدىڭ ءورشۋى كەز-كەلگەن جاعدايدا قازاقستان ءۇشىن قولايسىز. ەكى حالىق بىزگە بىردەي باۋىرمال. ورىستار دا، ۋكرايندار دا بىر-بىرىمەن باۋىرلاس حالىقتار، مۇنى رەسەي دە، ۋكراينا دا مويىندايدى. سول سەبەپتى ەكى ەلدىڭ تەز ارادا بەيبىت كەلىسىمگە كەلۋىنە ءبىز مۇددەلىمىز"، - دەدى داۋرەن ابايەۆ "اشىق ديالوگ" باعدارلاماسىنا بەرگەن سۇحباتىندا.
ابايەۆتىڭ ايتۋىنشا، بۇل جەردە "سەن بىزبەن بولاسىڭ نەمەسە سەن بىزگە قارسىسىڭ" دەگەن قاعيدا باسىم.
"بولاشاق كەلىسسوزدەرگە زيان تيگىزبەۋگە، تەڭدەستىرىلگەن ۇستانىم بەرۋگە باعىتتالعان كەز-كەلگەن ارەكەت تەرىس قابىلدانادى. شىندىعىندا، ءبىز سوزدەر مەن ينتوناسيالاردىڭ اينالاسىنداعى يستەريانىڭ تۇتقىنىنا اينالامىز. ءبىزدىڭ پرەزيدەنت ناعىز ديپلومات رەتىندە اننەكسيانى جازۋ وتە قيىن ەكەنىن تىلگە تيەك ەتتى. ول ايىپتامادى، قولداۋ بىلدىرمەدى. قاسىم-جومارت كەمەل ۇلى، مۇنداي سوزدەردىڭ قۇنىن جاقسى تۇسىنەتىن ادام رەتىندە كاتەگوريالىق تۇجىرىمداردى قولدانبادى"، - دەپ ءتۇسىندىردى داۋرەن ابايەۆ.
"ارينە، مۇنداي الىپ-ساتارلاردىڭ اراسىندا ءبىزدىڭ ەلدىڭ العا تارتقان بەيبىتشىلىك باستامالارى ۇمىت قالاتىنى وكىنىشتى. جاقىندا ءبىز رەسەي مەن ۋكراينا كوشباسشىلارى اراسىنداعى كەلىسسوزدەر الاڭىن ۇسىندىق. بۇل ءبىزدىڭ ماسەلەگە دەگەن شىنايى كوزقاراسىمىزدىڭ دالەلى"، - دەپ ءسوزىن تۇيىندەدى ابايەۆ.
پىكىر قالدىرۋ