قازاقستان پرەزيدەنتى قاسىم-جومارت توقايەۆتىڭ نەمىستىڭ Deutsche Welle تىلشىسىنە بەرگەن سۇحباتى قوعامدا ءالى ءارتۇرلى پىكىر تۋعىزىپ جاتىر. اتالعان سۇحباتتا قازاقستان مەملەكەتىنىڭ باسشىسى «رەسەي مەن قىرىمىڭ قوسىلۋىن اننەكسيا دەپ اتاۋعا كەلمەيدى» دەگەنى بەلگىلى.
–اننەكسيا ءسوزىن قىرىمعا قاتىستى قولدانۋ اۋىر –دەگەن بولاتىن قاسىم-جومارت توقايەۆ.
–باسقالارمەن قارىم-قاتىناس پرينسيپىندەگى «ابىروي»، «ار-نامىس» ءسوزى قازاقستان مەملەكەتى باسشىسىنىڭ پىسىپ-جەتىلگەن، باتىل جانە شىنايى پوزيسياسىن كورسەتەدى. ال كەزىندە ءوز تاڭداۋىن جاساعان قىرىم حالقى مۇنداي كوزقاراستى جوعارى باعالايدى. سوندىقتان ەۋروپا ەلدەرىنىڭ باسشىلارىن قازاقستان ليدەرى توقايەۆ، نىعماتۋلين جانە نازاربايەۆتان ۇلگى الۋعا شاقىرامىن،– دەدى ريا نوۆوستي پورتالىنا بەرگەن سۇحباتىندا قىرىم رەسپۋبليكاسىنىڭ بۇرىنعى باس پروكۋرورى، بۇگىندە رەسەي مەملەكەتتىك دۋماسىنىڭ دەپۋتاتى بولىپ وتىرعان ناتاليا پوكلونسكايا.
ەسكەرتە كەتەيىك، پرەزيدەنت توقايەۆتىڭ پىكىرىنە قاتىستى ۋكراينا سىرتقى ىستەر مينيسترلىگى وسى ەلدەگى قازاقستان ەلشىسىن شاقىرىپ الىپ، پىكىردى تالقىعا سالعانى بەلگىلى. سونداي-اق ولار نارازىلىعىن دا ءبىلدىردى. ال رەسەي جاعى توقايەۆتىڭ پىكىرىنە قۋانىپ، قولداپ، قۋاتتاپ جاتىر.
پىكىر قالدىرۋ