پرەزيدەنتتىڭ كەڭەسشىسى ەرلان قارين قوعامدا قىزۋ تالقىعا تۇسكەن جايتقا بايلانىستى پىكىر ءبىلدىردى دەپ جازادى Qamshy.kz اقپارات اگەنتتىگى. بۇل تۋرالى ول ءوزىنىڭ Telegram كانالىنا جازدى. 

"ءبىز ءالى كۇنگە دەيىن پروۆينسيالىق ويلاۋدا زارداپ شەگىپ كەلەمىز. بۇل ءبىزدىڭ ىشكى جانە سىرتقى ساياسي تاقىرىپتاردى تالقىلاۋىمىزدان كورىنىپ تۇرادى. ۇلتتىق مۇددەلەرىمىزگە، ءبىزدىڭ ساراپشىلار اۋديتورياسىنا پايدالى نەمەسە كەرىسىنشە، پايدالى ەمەس دەگەن ماسەلەنى كوتەرۋدىڭ ورنىنا، كوبىنەسە باسقالاردىڭ ءبىز تۋرالى نە ويلايتىنىن، قالاي قابىلدايتىنىن ماڭىزدى دەپ ەسەپتەپ، رەنجي مە، رەنجىمەي مە دەپ ويلانامىز. كوپشىلىك وزگە ەلدىڭ سىرتقى ىستەر مينيسترلىگى دەمارش دايىنداپ، ەلشىنى شاقىرعانى تۋرالى اقپاراتتى وقىپ دۇرلىگىپ جاتىر. نوتالار، دەمارشتار – بۇل ديپلوماتيالىق ءتارتىپ. سونداي-اق ودان تراگەديا جاساۋدىڭ قاجەتى جوق. شىن مانىندە، بۇل ءبىزدى تولعاندىرۋى ءتيىس، ءبىز پراگماتيك بولۋىمىز كەرەك. ءبىرىنشى كەزەكتە، ءوز مۇددەلەرىمىزدى كوزدەۋىمىز كەرەك جانە باسقالاردىڭ پىكىرىنە ەرۋ، بارلىعىن بىردەي قۋانتۋعا تىرىسۋ ورىنسىز" ، - دەپ جازدى ەرلان قارين.