الەمنىڭ ءبىرقاتار بۇقارالىق اقپارات قۇرالدارى قازاقستان پرەزيدەنتى قاسىم-جومارت توقايەۆتىڭ گەرمانياعا ءىس-ساپارىنا ۇلكەن ءمان بەرىپ جاتىر. توقايەۆ ساپار بارىسىندا نەمىس كاسىپكەرلەرىمەن جۇزدەسىپ، كانسلەر انگەلا مەركەلمەن دە كەزدەستى.
ءبىر قىزىعى، قازاقستاننىڭ ءانۇرانى وينالعان كەزدە گەرمانيا كانسلەرى انگەلا مەركەل ورنىنان تۇرعان جوق. تەك توقايەۆ قولىن ادەتتەگىشە جۇرەگىنىڭ تۇسىنا قويىپ تۇرىپ ءانۇرانعا قۇرمەت كورسەتتى. ال نەمىس كانسلەرىنىڭ ورنىنان تۇرماۋ سەبەبىن قالاي تۇسىندىرۋگە بولادى؟ بۇل قازاق ءانۇرانىن قۇرمەتتەمەگەندىك پە؟ جوق ولاي ەمەس!
اقيقاتىن ايتۋ كەرەك، بۇل ءبىرىنشى كەزدەسىپ وتىرعان وقيعا ەمەس. ناقتى ايتساق، ۇستىمىزدەگى جىلدىڭ ماۋسىم ايىنان بەرگى حالىقارالىق كەزدەسۋلەردە نەمىس كانسلەرى ءانۇران ايتىلعان كەزدە ورىندىقتا وتىراتىن بولىپ ءجۇر. قىركۇيەكتە قىتايعا، قاراشا ايىندا ءۇندىستانعا بارعان ساتتە دە وسى كورىنىس قايتالاندى. بۇل جاعداي ونىڭ دەنساۋلىعىنا بايلانىستى ەكەنى ءسوزسىز.
ەسكەرتە كەتەيىك، وسىدان بىرنەشە اي بۇرىن ماۋسىم ايىندا انگەلا مەركەل ۋكراينا پرەزيدەنتى ۆلاديمير زەلەنسكييمەن، ودان كەيىن شىلدەدە فينليانديا پرەمەر-مينيسترى انتتي ريننمەن كەزدەسۋدە انگەلا مەركەل جايسىز سەزىنىپ، دەنەسى قالتىراپ، ءوزىن ازەر ۇستاعانى بەلگىلى. سودان بەرگى رەسمي كەزدەسۋلەردە ءانۇران وينالعان ساتتە نەمىس كانسلەرى ورىندىققا وتىرىپ ءجۇر.
پىكىر قالدىرۋ