رەسپۋبليكا الاڭىندا Oyan، Qazaqstan ۇيىمى ميتينگ وتكىزدى.

الاڭعا جينالعاندار ۇمىتىلماس «1986، 2011»، «ۇمىتىلماس، قايتالانباس، كەشىرىلمەس»، «پارلامەنتتىك رەسپۋبليكا»، «جاستارعا ورىن بەرىڭدەر»، «نان ۇرسىن، ءبىز ەكسترەميست ەمەسپىز»، «اۆتوريتاريزمنەن كوكتەمگە قاراي» دەگەن ۇراندار جازىلعان پلاكاتتارمەن شىقتى.

بەلسەندىلەر بيلىكتىڭ جاڭاوزەن وقيعاسىندا ازاماتتاردى اتقانىن، قازاقستاندا بىردە-بىر ءادىل سايلاۋدىڭ وتپەگەنىن، نازاربايەۆ رەجيمىنىڭ اۆتوريتارلىق ەكەنىن ايتتى.

الاڭعا شىققانداردىڭ دەنى جاستار. ولار 30 جىلدىق اۆتوريتارلىق رەجيمنەن شارشاعانىن، رەجيمدى وزگەرتكىلەرى كەلەتىن ءمالىم ەتتى.

بەلسەندىلەرگە الماتى اكىمدىگىنىڭ وكىلدەرى تاراۋىن ايتقاندا جينالعاندار «ويان، قازاقستان» دەپ ايقايلاپ، اكىمدىك وكىلىنىڭ داۋسىن ەستىرتپەدى. ءبىراق كوپ ۇزاماي اكسيالارىن توقتاتتى.