مەملەكەت باسشىسىنىڭ وكىمىمەن ءمادينا ەراسىل قىزى ءابىلقاسىموۆا قازاقستان رەسپۋبليكاسى ۇلتتىق بانكى ءتوراعاسىنىڭ ورىنباسارى قىزمەتىنەن بوساتىلدى دەپ جازادى Qamshy.kz اقپارات اگەنتتىگى اقوردانىڭ دەرەگىن نەگىزگە الىپ.
ءمادينا ەراسىل قىزى ءابىلقاسىموۆا قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى بولىپ تاعايىندالدى.
ءمادينا ءابىلقاسىموۆا 1978 جىلى 1 تامىزدا الماتى قالاسىندا دۇنيەگە كەلگەن.
1999 جىلى قازاق مەملەكەتتىك باسقارۋ اكادەمياسىن "حالىقارالىق ەكونوميكالىق قاتىناستار" ماماندىعى، 2003 جىلى كولۋمبيا ۋنيۆەرسيتەتىنىڭ ماگيستراتۋراسىن "ەكونوميكالىق ساياساتتى باسقارۋ" ماماندىعى بويىنشا، ال 2011 جىلى گارۆارد ۋنيۆەرسيتەتىنىڭ كەننەدي اتىنداعى مەملەكەتتىك باسقارۋ مەكتەبىن (مەملەكەتتىك باسقارۋ ماگيسترى) ءتامامداعان.
- 1999-2001 جىلدارى – ستراتەگيالىق جوسپارلاۋ اگەنتتىگىنىڭ باس مامانى؛
- 2003-2004 جىلدارى – ەكونوميكا جانە بيۋدجەتتىك جوسپارلاۋ مينيسترلىگى ستراتەگيالىق جوسپارلاۋ باسقارماسىنىڭ باسشىسى؛
- 2004-2006 جىلدارى – "ماركەتينگتىك-تالدامالى زەرتتەۋلەر ورتالىعى" اق مەملەكەتتىك ساياساتتى تالداۋ دەپارتامەنتىنىڭ ديرەكتورى؛
- 2006-2008 جىلدارى – ق ر پرەمەر-مينيسترى كەڭسەسى الەۋمەتتىك-ەكونوميكالىق ءبولىمى مەڭگەرۋشىسىنىڭ ورىنباسارى؛
- 2008-2011 جىلدارى – پرەزيدەنت اكىمشىلىگى ستراتەگيالىق ازىرلەمەلەر جانە تالداۋ ورتالىعى مەڭگەرۋشىسىنىڭ ورىنباسارى؛
- 2011-2013 جىلدارى – ەكونوميكالىق دامۋ جانە ساۋدا ۆيسە-مينيسترى؛
- 2012 جىلدان باستاپ دۇنيجۇزىلىك بانكتىڭ قازاقستانداعى باسقارۋشىسىنىڭ ورىنباسارى؛
- 2013-2014 جىلدارى – ەكونوميكا جانە بيۋدجەتتىك جوسپارلاۋ ۆيسە-مينيسترى؛
- 2014 جىلدىڭ تامىزىنان 2018 جىلدىڭ اقپانىنا دەيىن – ۇلتتىق ەكونوميكا ۆيسە-مينيسترى؛
- 2018 جىلدىڭ 9 اقپانىنان 2019 جىلدىڭ 25 اقپانىنا دەيىن ەڭبەك جانە حالىقتى الەۋمەتتىك قورعاۋ ءمينيسترى قىزمەتىن اتقاردى.
