ەنەرگەتيكا مينيسترلىگىنىڭ باسپا ءسوز حاتشىسى نۇرلىبەك جەڭىسبەك قانات بوزىمبايەۆتىڭ نە ءۇشىن قىزمەتىنەن كەتكەنىن ايتتى دەپ جازادى Qamshy.kz اقپارات اگەنتتىگى.
"جاقىندا مينيستر قازاقستان رەسپۋبليكاسىنىڭ پرەزيدەنتى قاسىم-جومارت توقايەۆقا ونىڭ مويىن ومىرتقاسىنا جاسالعان وپەراسياعا بايلانىستى دەنساۋلىعىنىڭ جاي-كۇيى تۋرالى حابارلادى. سوندىقتان دارىگەرلەردىڭ ۇسىنىسى بويىنشا ول كولىكتىك ساپارلار مەن اۋە ساپارلارىن بارىنشا ازايتۋى كەرەك"، - دەپ جازدى جەڭىسبەك ءوزىنىڭ Telegram پاراقشاسىنا.
بۇگىن، 18 جەلتوقساندا قازاقستان پرەزيدەنتى قاسىم-جومارت توقايەۆتىڭ جارلىعىمەن قانات بوزىمبايەۆ ەنەرگەتيكا ءمينيسترى قىزمەتىنەن بوساتىلىپ، پرەزيدەنت كومەكشىسى بولىپ تاعايىندالدى. بوزىمبايەۆ ەنەرگەتيكا مينيسترلىگىن 2016 جىلدىڭ ناۋرىز ايىنان بەرى باسقارعان. ونىڭ الدىندا ول 2013 جانە 2016 جىلدار ارالىعىندا پاۆلودار وبلىسىنىڭ اكىمى بولعان.
پىكىر قالدىرۋ