ءتىپتى، ول ءۇشىن ەسەپشوتتارى بۇعاتتالىپ، مۇلكى تاركىلەنەدى دەلىنگەن. بۇل تۋرالى «Qamshy.kz» اقپارات اگەنتىگى ktk.kz تەلەارناسىنا سىلتەمە جاساپ حابارلايدى.

ول – ول ما، قانداي دا ءبىر جۇمىس ۇسىنۋشى تاراپ قىزمەتكەرىنىڭ ايلىعىن بەرمەگەن كۇننەن باستاپ 0،25 پايىز مولشەرىندە ايىپپۇل دا سالىنباق. ءوز كەزەگىندە بۇل دا جۇمىسشىنىڭ ۋاقتىلى جالاقى الۋىنا اسەر ەتەدى دەيدى ماماندار. 

ال ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ەڭبەك كودەكسىندەگى بۇل تۇزەتۋلەر جاڭا جىلدان باستاپ كۇشىنە ەنۋى مۇمكىن ەكەنىن ايتادى.

"بۇل كودەكس جەكە زاڭ رەتىندە پارلامەنتتىڭ قاراۋىندا. وندا مەملەكەتتىك ەڭبەك ينسپەكتورىنىڭ ۇيعارىمى سوت ورىنداۋشىسىنىڭ قۇجاتىمەن تەكسەرىلەدى. بۇل بىزگە جالاقى بويىنشا بەرەشەكتى باسقا جولمەن، ماسەلەن، شوتتى بۇعاتتاۋ، مۇلىكتى تاركىلەۋ ارقىلى الۋعا مۇمكىندىك بەرەدى»، – دەيدى مينيستر.

«مۇمكىندىك» دەمەكشى، بيىل ەڭبەك ينسپەكتورلارى پروكۋرورلارمەن بىرلەسىپ ءبىراز جۇمىس اتقارعان. ناتيجەسىندە، جۇمىس بەرۋشىلەردەن 5 ملرد. تەڭگەدەن استام جالاقىلىق قارىز ءوندىرىپ الىندى. وكىنىشتىسى، «قاناۋشى توپ» سانى مۇنىمەن شەكتەلمەي وتىر. بۇگىندە وزىنە تيەسىلى ەڭبەكاقىسىن تولىق الا الماي جۇرگەندەردىڭ ۇزىن سانى 5 مىڭنان اسىپ جىعىلادى.