ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ءبىلىم مەن عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسىن ىسكە اسىرۋ قورىتىندىلارى جانە 2020-2025 جىلدارعا ارنالعان جوباسى قارالدى، دەپ جازادى primeminister.kz.
3 جىلدا مەملەكەتتىك باعدارلامانى جۇزەگە اسىرۋعا 1 ترلن 466 ملن تەڭگە ءبولىندى. مەكتەپكە دەيىنگى ۇيىمداردىڭ جەلىسى 1728 بىرلىككە ۇلعايتىلدى، 3 جاستان 6 جاسقا دەيىنگى بالالاردى مەكتەپكە دەيىنگى وقىتۋمەن قامتۋ 98%-عا دەيىن ارتتى. 1-10 سىنىپ وقۋشىلارى (95،4%) جاڭارتىلعان مازمۇنعا كوشتى. 273 مىڭ ءمۇعالىم (94%) جاڭارتىلعان وقۋ باعدارلاماسى بويىنشا وقىتىلىپ، 30% مولشەرىندە ۇستەمەاقى الۋدا. اتتەستاسيادان وتكەن 123 مىڭنان استام ءمۇعالىم قوسىمشا تولەمدەردى 30-دان 50%-عا دەيىن الادى.
ۇكىمەت باسشىسى پرەزيدەنتتىڭ تاپسىرماسىن ورىنداۋ ماقساتىندا، جاڭا مەملەكەتتىك باعدارلاما اياسىندا 2020 جىلدان باستاپ، ءتورت جىل ىشىندە پەداگوگتەردىڭ جالاقىسىن 2 ەسەگە كەزەڭ-كەزەڭىمەن ارتتىرۋ جوسپارلانعانىن اتاپ ءوتتى. سونىمەن بىرگە، بالالار بالاباقشالارمەن 100% قامتاماسىز ەتىلەدى، ءۇش اۋىسىمدا وقىتۋ جانە اپاتتى جاعدايداعى مەكتەپتەر تولىعىمەن جويىلادى.
2025 جىلعا دەيىن ەلىمىزدە 800-گە جۋىق جاڭا مەكتەپ سالىنادى. تىرەك ەلدى مەكەندەردە 114 ينتەرنات سالىنادى.
پرەمەر-مينيستر ينۆەستورلار ءۇشىن ءبىلىم بەرۋ سالاسىنىڭ ءوسىپ كەلە جاتقان تارتىمدىلىعىنىڭ ماڭىزدىلىعىن اتاپ ءوتتى. الداعى 5 جىلدا سالاعا 11،5 ترلن تەڭگە باعىتتالادى، ونىڭ ىشىندە 1،3 ترلن جەكە ينۆەستيسيالار تارتىلادى. بۇل جەكە ينۆەستورلار ەسەبىنەن 150 مىڭ ورىنعا قوسىمشا مەكتەپتەر سالۋعا مۇمكىندىك بەرەدى.
– ەل ەكونوميكاسى ءۇشىن عىلىمنىڭ ناتيجەلىگىن ارتتىرۋ ءۇشىن عىلىمي-زەرتتەۋ قىزمەتى جەتىلدىرىلىپ، عىلىمعا جۇمسالاتىن شىعىندار كوبەيتىلەدى. ءبىلىم بەرۋدى قارجىلاندىرۋ ءجىو-نىڭ 7% دەڭگەيىن قۇرايدى»، – دەدى ا. مامين.
ۇكىمەت باسشىسى ءبىلىم جانە عىلىم مينيسترلىگىنە جىل باسىنان باعدارلامانىڭ ىسكە قوسىلۋىن جانە كوزدەگەن كورسەتكىشتەرگە قول جەتكىزۋدى قامتاماسىز ەتۋدى تاپسىردى.
پىكىر قالدىرۋ