تومەنگى جالاقى الاتىن وت جاعۋشىلاردىڭ (كوچەگار) جالاقىسى جەلتوقسان ايىنان باستاپ ءۇش ەسە ءوستى دەپ جازادى Qamshy.kz اقپارات اگەنتتىگى. مەكتەپتە وت جاعۋشى بولىپ ىستەيتىندەردىڭ كارتوچكاسىنا جەلتوقسان ايىندا ءۇش ەسەلەنگەن جالاقى تۇسكەن. ءبىلىم وشاقتارىنىڭ جىلۋىنا جاۋاپتى جاندار مۇنداي توسىن سىيعا ءدان ريزا.

شۋ اۋدانى كوكتوبە اۋىلىنداعى جامبىل ورتا مەكتەبىنىڭ  وت جاعۋشىسى مۇحامەد شايمەردەنوۆتىڭ جالاقاسى كۇرت وسكەنىنە ءوزى دە تاڭىرقاي قاراعان.
ونىڭ ايتۋىنشا، 3 كۇندە ءبىر رەت قانا جۇمىس ىستەيدى. بۇرىن ايىنا 39 مىڭ، كەيدە 42 مىڭ تەڭگە جالاقى الىپ كەلگەن. جەلتوقسان ايىندا ونىڭ كارتوچكاسىنا 105 مىڭ تەڭگە تۇسكەن. ءۇش ەسەلەنگەن جالاقى ونىڭ وزگە ارىپتەستەرىنە دە ءتۇسىپتى.

ەسكە سالا كەتسەك، جازدا تەحنيكالىق پەرسونالدىڭ جانە وزگە سالا جۇمىسشىلارىنىڭ جالاقىسىن 30%-عا وسىرگەن-دى. ولاردىڭ قاتارىندا، كىتاپحاناشىلار، ورمانشىلار، الەۋمەتتىك جۇمىسكەرلەر، اۋلا سىپىرۋشىلار جانە دە باسقا تەحنيكالىق پەرسونالدار بار.

سامال قوجامجاروۆا