بۇل تۋرالى ۇلتتىق قوعامدىق سەنىم كەڭەسىنىڭ ەكىنشى وتىرىسى بارىسىندا پرەزيدەنت ق.توقايەۆ ايتتى، دەپ جازادى Qamshy.kz اقپارات اگەنتتىگى Vلاست باسىلىمىنا سىلتەمە جاساپ.
ونىڭ ايتۋىنشا، شەتەلدىك جۇمىس كۇشىنە بەرىلەتىن كۆوتا شارتتارى تۋرالى ەرەجە كەلەر جىلى قارالادى. سونداي-اق جۇمىسقا جەرگىلىكتى كادرلاردى كوپتەپ تارتۋ تالابى كۇشەيتىلەدى.
شەتەلدىك جۇمىس بەرۋشىلەر تاراپىنان ازاماتتاردى كەمسىتۋگە جول بەرىلمەۋى ءتيىس ەكەنىن ايتقان پرەزيدەنت قاراشا ايىندا شەتەلدىك جۇمىس كۇشىن پايدالانىپ وتىرعان كاسىپورىندار تەكسەرىلگەنىن ءمالىم ەتتى. باقىلاۋ بارىسىندا 95 كومپانيا جۇمىسى تەكسەرىلىپ، 930 زاڭ بۇزۋشىلىق انىقتالعان. زاڭ بۇزۋشىلىقتاردىڭ دەنى شەتەلدىك جۇمىسشىعا ەل اۋماعىندا قىزمەت ەتۋگە رۇحسات بەرۋگە قاتىستى بولعان.
ەنەتىن وزگەرىسكە ساي 2020 جىلى شەتەلدىك جۇمىس كۇشىن 29 مىڭعا دەيىن قىسقارتۋ جوسپارلانعان.
سونداي-اق جۇمىسشىلارىنىڭ 30 پايىزىن شەتەلدىكتەر قۇرايتىن 250 ادام ەڭبەك ەتەتىن كاسىپورىندار ءجيى تەكسەرىلىپ تۇرماق.
بۇدان بىلاي ەڭبەك جانە الەۋمەتتىك قورعاۋ مينيسترلىگى ەڭبەك داۋىنا قاتىستى كەز كەلگەن ماسەلەگە دەرەۋ كوڭىل ءبولىپ، تۇيىتكىلدىڭ قوردالانىپ قالماۋىنا جول بەرمەيتىنى مالىمدەلدى.
پىكىر قالدىرۋ