بۇگىن الماتى وبلىسى اقسۋ اۋداندىق سوتىندا جۇڭگو ەلىنىڭ جۇمىسشىلارىن سوققىعا شىقتى دەپ ايىپتالعان قىزىلاعاشتىڭ بەس تۇرعىنىنا قاتىستى قىلمىستىق ءىستىڭ قارالۋى باستالدى.
اقسۋ اۋداندىق سوتى باسپا ءسوز قىزمەتىنىڭ حابارلاۋىنشا، سوتتالۋشىلارعا قولداۋ كورسەتۋ ءۇشىن سوت وتىرىسىنا قاتىسۋعا كەلگەن 80-گە جۋىق ادام اۋداندىق سوت عيماراتىنىڭ زالىنا سىيماي قالعان. ولار سوت ءىسىن ەكىنشى سوت زالىندا تىكەلەي تاراتۋ (ترانسلياسيا) ارقىلى ەكراننان قاراپ وتىرعان.
جابىرلەنۋشى تاراپ وكىلىنىڭ سوت وتىرىسىنا كەلمەۋىنەن جانە اۋدارماشىنىڭ بولماۋىنان سوت وتىرىسى كەيىنگە قالدىرىلدى.
بۇعان دەيىن بيىلعى جىلعى 8 قازاندا الماتى وبلىسى اقسۋ اۋدانى قىزىلاعاش اۋىلىنىڭ تۇرعىندارى "Citic Construction" كومپانياسىندا جۇمىس ىستەيتىن قازاق-قىتاي جۇمىسشىلارى اراسىنداعى قاقتىعىستان كەيىن جۇڭگو ازاماتتارىن سوققىعا جىققانى تۋرالى حابارلانعان. قىتايلىق جۇمىسشىلاردىڭ ارىزى بويىنشا قىزىلاعاش اۋىلىنىڭ تۇرعىندارى بەرىكبول رىسالدينوۆ، اعايىندى بەيبىت جانە نۇربول مۇحمەتالين، ەركىن مەن سارقىت سالحانوۆتار ۇستالعان. ولار قاساقانا دەنە جاراقاتىن كەلتىرگەنى ءۇشىن ايىپتالىپ وتىر.
پىكىر قالدىرۋ