توقايەۆ ەلدىڭ سىرتقى ساياساتىنىڭ باسىم باعىتتارىن ايقىنداردا نازاربايەۆپەن اقىلداسادى

/image/2019/12/24/crop-151_3_529x705_10421238.jpg

قازاقستان پرەزيدەنتى ق.توقايەۆتىڭ قاراۋىنا "قازاقستان رەسپۋبليكاسىنىڭ سىرتقى ساياساتى كونسەپسياسى" تۋرالى زاڭ جوباسى كەلىپ ءتۇستى. وندا سىرتقى ساياساتقا بايلانىستى باستامالار تۇڭعىش پرەزيدەنت نۇرسۇلتان نازاربايەۆپەن كەلىسىلۋى تيىستىگى جازىلعان، دەپ حابارلايدى Qamshy.kz اقپارات اگەنتتىگى ehonews.kz سايتىنا سىلتەمە جاساپ.

قۇجاتتا ەلدىڭ سىرتقى ساياساتىنىڭ نەگىزگى باعىتىن ەلباسى ايقىندايدى دەپ اتاپ وتىلگەن.

"مەملەكەتتىڭ ىشكى جانە سىرتقى ساياساتىنداعى نەگىزگى باعىتتار بويىنشا جاسالاتىن باستامالار ق ر تۇڭعىش پرەزيدەنتى – ەلباسىمەن كەلىسىلەدى، دەلىنگەن زاڭ جوباسىندا.

بۇعان دەيىن، 9 قازاندا "قازاقستان رەسپۋبليكاسى پرەزيدەنتىنىڭ كەيبىر اكتىلەرىنە وزگەرىستەر مەن تولىقتىرۋلار ەنگىزۋ تۋرالى" جارلىعى شىققان. وعان ساي، پرەزيدەنت وزىنە تىكەلەي باعىناتىن جانە ەسەپ بەرەتىن ورگانداردىڭ باسشىلارىن تاعايىنداماس بۇرىن قاۋىپسىزدىك كەڭەسىنىڭ توراعاسىمەن كەلىسۋى كەرەك. ولاردىڭ قاتارىنا پرەزيدەنت اكىمشىلىگى، باس پروكۋراتۋرا، ۇلتتىق قاۋىپسىزدىك كوميتەتى، ۇلتتىق بانك، رەسپۋبليكالىق گۆارديا، "سىربار" سىرتقى بارلاۋ قىزمەتى، پرەزيدەنتتىڭ كۇزەت قىزمەتى، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى، پرەزيدەنت ىستەرى باسقارماسى، سىبايلاس جەمقورلىققا قارسى ءىس-قيمىل اگەنتتىگى كىرەدى.

بۇل جارلىقتان سوڭ قوعامدا قوسبيلىك ماسەلەسى توڭىرەگىندەگى اڭگىمە ءورشي تۇسكەن.

توقايەۆ ەلدىڭ سىرتقى ساياساتىنىڭ باسىم باعىتتارىن ايقىنداردا نازاربايەۆپەن اقىلداسادى

قاتىستى تەگتەر :

پىكىر قالدىرۋ

قاتىستى ماقالالار