قازاقستاندىق بوكسشى گەنناديي گولوۆكين الماتى ماڭىندا بولعان ۇشاق اپاتىنا بايلانىستى قازا بولعانداردىڭ وتباسى مەن جاقىندارىنا كوڭىل ايتتى. بۇل تۋرالى ول ءوزىنىڭ تwitter-دەگى پاراقشاسىندا جازدى.

"الماتى ماڭىنداعى ۇشاق اپاتىنان قازا بولعانداردىڭ وتباسىلارى مەن جاقىندارىنا قايعىرىپ كوڭىل ايتامىن. سىزدەرمەن بىرگە دۇعادامىز. زارداپ شەككەندەرەدىڭ بارلىعىنا تەز ساۋىعىپ كەتۋلەرىن جانە كۇش-قۋات تىلەيمىن"، – دەپ جازدى گولوۆكين.

بۇگىن، 27 جەلتوقسان كۇنى تاڭەرتەڭ الماتى اۋەجايى ماڭىنا Bek Air اۋە كومپانياسىنىڭ Fokker-100 ۇشاعى قۇلادى. الماتى اۋەجايى باسپا ءسوز قىزمەتىنىڭ حابارلاۋىنشا، ۇشاقتا 93 جولاۋشى مەن بەس ەكيپاج مۇشەسى بولعان. رەسمي ورىنداردىڭ دەرەگىن نەگىزگە العان ءبىرقاتار ب ا ق باستاپقىدا 15 ادامنىڭ قازا تاپقانىن حابارلاعان ەدى. كەيىنىرەك پرەمەر-مينيستردىڭ ورىنباسارى رومان سكليار ۇشاق اپاتىنان 12 ادامنىڭ قازا بولعانىن مالىمدەدى. ولاردىڭ اراسىندا ەكيپاج كومانديرى مارات مۇراتوۆ تا بار.

وسى اپاتقا بايلانىستى قازاقستان پرەزيدەنتى قاسىم-جومارت توقايەۆ  28 جەلتوقساندى جالپىۇلتتىق ازا تۇتۋ كۇنى دەپ جاريالادى.