بۇل تۋرالى جەڭىس قۇسپان اتتى facebook قولدانۋشىسى ءوزىنىڭ پاراقشاسىندا جازىپ، تالاپ قويعان ءبىر توپ ادامنىڭ ۆيدەوسىن جاريالادى.
"بىزدەر، اتىراۋلىقتار، ماكس بوقايەۆتىڭ دەنساۋلىعىنا الاڭداۋلىمىز. ماكس بوكايەۆ ءوزىنىڭ جەرىن قورعايمىن دەپ، جەرىم شەتەلدىكتەرگە ساتىلماسىن دەگەنى ءۇشىن بەس جىلعا سوتتالىپ، ءقازىر اقتوبە كولونياسىندا وتىر. بىزگە جەتكەن اقپارات بويىنشا ماكس بوقايەۆ دەنساۋلىعى ناشارلاپ، اياعىن باسا الماي قالىپتى. ءبىز ماكس بوكايەۆقا ساپالى ەمدەۋ تالاپ ەتەمىز. قالاعا شىعارىپ، ەمدەۋدى تالاپ ەتەمىز. سونىمەن قاتار ماكس بوقايەۆقا بوستاندىق تالاپ ەتەمىز" دەيدى ۆيدەو جولداۋشىلار.
ماكس بوقايەۆ 2016 جىلى 24 ساۋىردە "جەر ماسەلەسى" بويىنشا شەرۋگە شىققاننان كەيىن "بۇقارالىق شارادا جالعان اقپارات تاراتۋ"، "الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني الاۋىزدىق تۋدىرۋ" جانە "جينالىس، ميتينگ، پيكەت، شەرۋ، دەمونستراسيا وتكىزۋدىڭ ءتارتىبىن بۇزۋ" باپتارى بويىنشا بەس جىلعا سوتتالعان.
پىكىر قالدىرۋ