قازاقستان رەسپۋبليكاسى ۇكىمەتىنىڭ قاۋلىسىمەن ءبىلىم جانە عىلىم ، ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترىلەرى تاعايىندالدى، بۇل تۋرالى ق ر پرەمەر-مينيسترىنىڭ باسپا ءسوز قىزمەتى حابارلايدى.
ءبىلىم جانە عىلىم ۆيسە-مينيسترى قىزمەتىنە ميراس مۇحتار ۇلى داۋلەنوۆ كەلدى.
ميراس داۋلەنوۆ 1983 جىلى شىعىس قازاقستان وبلىسى وسكەمەن قالاسىندا دۇنيەگە كەلگەن. س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن ءتامامداعان، قۇقىقتانۋ ماگيسترى، قۇقىق سالاسىنداعى دوكتور (PhD).
ەڭبەك جولىن 2003 جىلى باستاعان. ءارتۇرلى جىلدارى زاڭگەر رەتىندە جەكە سەكتوردا جۇمىس ىستەگەن.
2012 جىلى «قازاق گۋمانيتارلىق زاڭ ۋنيۆەرسيتەتى» اق حالىقارالىق قۇقىق جانە حالىقارالىق قاتىناستار كافەدراسىنىڭ مەڭگەرۋشىسى، 2015-2018 جىلدارى – م. س. نارىكبايەۆ اتىنداعى كازگيۋۋ ۋنيۆەرسيتەتىنىڭ س. زيمانوۆ اتىنداعى ىرگەلى جانە قولدانبالى زەرتتەۋلەر اكادەمياسىنىڭ ديرەكتورى – باسقارما ءتوراعاسىنىڭ ورىنباسارى، 2018 جىلدان باستاپ 2019 جىلعى جەلتوقسانعا دەيىن – م. س. نارىكبايەۆ اتىنداعى كازگيۋۋ ۋنيۆەرسيتەتىنىڭ س. زيمانوۆ اتىنداعى قۇقىقتىق جانە ەكونوميكالىق زەرتتەۋلەر اكادەمياسىنىڭ ديرەكتورى قىزمەتتەرىن اتقارعان.
ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى لاۋازىمىنا ازامات بايقۋانىش ۇلى باتىرقوجا تاعايىندالدى.
ازامات باتىرقوجا 1972 جىلى سولتۇستىك قازاقستان وبلىسىندا دۇنيەگە كەلگەن. ف. دزەرجينسكيي اتىنداعى اسكەري اكادەميانى جانە «تۇران-استانا» ۋنيۆەرسيتەتىن ءتامامداعان.
ەڭبەك جولىن 1995 جىلى باستاعان. ءتۇرلى جىلدارى كورپوراتيۆتىك سەكتوردا، ق ر كولىك جانە كوممۋنيكاسيالار مينيسترلىگىندە، ق ر ۇلتتىق بانكىندە، «قازاقتەلەكوم» اق-دا، ل. گۋميليەۆ اتىنداعى ەۇۋ-دە، ق ر يندۋستريا جانە جاڭا تەحنولوگيالار مينيسترلىگىندە، ق ر پرەمەر-مينيسترىنىڭ كەڭسەسىندە، ق ر ءبىلىم جانە عىلىم مينيسترلىگىندە، «سامۇرىق-قازىنا» تۇراقتى دامۋ قورىندا جۇمىس ىستەگەن.
2015-2017 جىلدارى – ق ر يدم تەحنولوگيالىق جانە يننوۆاسيالىق دامۋ دەپارتامەنتىنىڭ ديرەكتورى، 2018-2019 جىلدارى – «قازاقستان عارىش ساپارى» ۇك» اق پرەزيدەنتى بولعان.
2019 جىلدىڭ اقپان ايىنان باستاپ جەلتوقسانعا دەيىن «قازاقستان عارىش ساپارى» ۇك» اق باسقارما ءتوراعاسى قىزمەتىن اتقاردى.
پىكىر قالدىرۋ