بۇل تۋرالى توعاس بايجىگىت ەسىمدى «فەيسبۋك» جەلىسىن قولدانۋشى مالىمدەدى دەپ حابارلايدى «Qamshy.kz» اقپارات اگەنتىگى.

جەلى قولدانۋشىسىنا شىمكەنت اكىمىنىڭ ءوز كيىمىن ءوزى كيە الماعانى ۇناماعان.

«21 عاسىر، وركەنيەتتىلىككە تالپىنعان ەلمىز، مىڭ رەت وزگەرتىلگەن كونستيتۋسيامىز بويىنشا دا ... شىمقالانىڭ اكىمى ايتاحانوۆتىڭ كۋرتكاسىن كيگىزەتىن مالايى بار ەكەن... ايەل ادامعا پالتوسىن كيۋگە كومەكتەسسە تۇسىنەتىن ەدىم، مادەنيەتتىلىك، دجەنتەلمەن دەپ، ال، مىناۋ نە ، پۋبليچنو؟؟؟» – دەيدى ول.

وسىلايشا، ەرلان ايتاحانوۆتىڭ كەزدەيسوق ارەكەتى جۇرتتىڭ اشۋ-ىزاسىن تۋعىزعان. ولاردىڭ ءبىرى: «وكىنىشكە قاراي، قۇلدىق سانادان الدارىنا جان سالمايدى، اسىرەسە ءوزىمىزدىڭ قازاقى ايماقتار... وڭبايدى بۇلار» دەسە، كەلەسى ءبىرى: «ءوزى دە وسىلاي باستاعان، ەرتەڭ انا بالا دا اكىم بولىپ شىعا كەلەدى! شىعىستا دا سولاي بولعان!!!» دەپ پىكىر قالدىرعان.

ال تاعى ءبىر جەلى قولدانۋشىسى: «بىزدەگى اۋدان اكىمدەرى وزدەرىن سول جەردىڭ حانى سياقتى سەزىنەدى عوي. وزدەرىنىڭ پرەزيدەنتتىڭ جەرگىلىكتى جەردەگى وكىلى ەكەنىن ۇمىتىپ كەتەدى» دەيدى.

اينالاسى، قىسقا عانا ۋاقىتتىڭ ىشىندە شۋ تۋدىرعان جازباعا شىمكەنت قالاسىنىڭ اكىمىن جاقتاپ وڭ پىكىر قالدىرعاندار دا بار. ولاردىڭ ىشىندە كيىمىن كيگىزىپ جاتقان «ءىنىسى بولار» دەپ تۇسىنىستىكپەن قاراۋدى سۇراعاندار كوپ.