ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ۇشاق اپاتىنان زارداپ شەككەندەرگە وتەماقىنىڭ قالاي تولەنەتىنى تۋرالى ايتتى دەپ جازادى Qamshy.kz اقپارات اگەنتتىگى. 

–وتەماقى ۇشاق اپاتىنان قايتىس بولعان ازاماتتارعا عانا تولەنەدى. ال وقيعا سول ايماقتا بولعاندىقتان زارداپ شەككەندەر مەن جاراقات العاندارعا كومەك بەرۋدى جەرگىلىكتى بيلىك اتاپ ايتقاندا، الماتى قالاسى مەن الماتى وبلىسىنىڭ اكىمشىلىگى شەشەدى. ال ۇكىمەتتىك دەڭگەيدەگى وتەماقى تەك اپاتتان قايتىس بولعاندارعا عانا بەرىلەدى. ال بۇل وتەماقىنى بەرۋ تەتىگى قالاي جۇزەگە اسادى؟ ۇشاق اپاتىنان قازا تاپقاندارعا بەرىلەتىن وتەماقى الدىمەن ەڭبەك جانە حالىقتى الەۋمەتتىك قورعاۋ مينيسترلىگىنە بەرىلەدى. ودان كەيىن مينيسترلىك قازا تاپقان وتباسىلاردىڭ جەكە ەسەپشوتىنا قارجىنى جاقىن ۋاقىتتا اۋدارارىدى، –دەدى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.  

ەسكەرتە كەتەيىك، 27 جەلتوقسان كۇنى تاڭەرتەڭ الماتى اۋەجايى ماڭىنا Bek Air اۋە كومپانياسىنىڭ Fokker-100 ۇشاعى قۇلادى. الماتى اۋەجايى باسپا ءسوز قىزمەتىنىڭ حابارلاۋىنشا، ۇشاقتا 93 جولاۋشى مەن بەس ەكيپاج مۇشەسى بولعان. رەسمي ورىنداردىڭ دەرەگىن نەگىزگە العان ءبىرقاتار ب ا ق باستاپقىدا 15 ادامنىڭ قازا تاپقانىن حابارلاعان ەدى. كەيىنىرەك پرەمەر-مينيستردىڭ ورىنباسارى رومان سكليار ۇشاق اپاتىنان 12 ادامنىڭ قازا بولعانىن مالىمدەدى.