بانكير ءىسى الماتىدا وتكەن باستى سوت وتىرىسىندا قارالدى. وعان قىمقىرۋ، قىلمىستىق جولمەن الىنعان اقشانى زاڭداستىرۋ ايىپتارى تاعىلعان، دەپ جازادى Qamshy.kz اقپارات اگەنتتىگى informburo.kz سايتىنا سىلتەمە جاساپ.

سوت وتىرىسىندا ءسوز العان ەرتايەۆ كىناسىن تولىقتاي مويىندايتىنىن ايتىپ، سوتپەن كەلىسىمگە كەلۋگە نيەت تانىتتى.

ىسكە قاتىستى 37 ادامنىڭ اراسىندا كاسىپكەر باحىت يبراگيم كىناسىن تولىق مويىنداسا، RBK بانكىنىڭ بۇرىنعى باسقارما ءتوراعاسى يگور ماجينوۆ كىناسىن ءىشىنارا مويىندادى. RBK بانكىنىڭ تاعى ءبىر بۇرىنعى باسقارما ءتوراعاسى مارپۋ جاكۋبايەۆا كىناسىن مويىنداۋدان باس تارتتى.

ءىس 46 ەپيزود، 700 تومنان تۇرادى. ايىپتاۋ اكتىسى – 3644 بەت. تەرگەۋ ناتيجەسى كورسەتكەندەي، بانككە 143،3 ملرد تەڭگە شىعىن كەلگەن.