31 قاڭتاردا ماسكەۋدەگى تاگان سوتىندا قازاقستاندىق "بتا بانك" ديرەكتورلار كەڭەسىنىڭ ەكس-توراعاسى مۇحتار ءابليازوۆ باقىلاۋىنداعى ۇيىمنان 58 ميللياردتان اسا رۋبل جىمقىرعانى ءۇشىن قىلمىستىق ءىستىڭ تىڭدالىمدارى باستالادى دەپ جازادى Qamshy.kz اقپارات اگەنتتىگى rapsinews.ru سايتىنىڭ دەرەگىن نەگىزگە الىپ.
جۇما كۇنى ادۆوكاتتىڭ كەلمەۋىنە بايلانىستى قىلمىستىق ءىستى قاراي المادى.
بۇل ىستە سول بانكتىڭ بۇرىنعى ءتوراعاسى رومان سولودچەنكو جانە باسقا دا بۇرىنعى قىزمەتكەرلەر: ارتۋر تروفيموۆ، يگور كونونكو، تاتيانا پاراسكيەۆيچ، اناتوليي ەرەشەنكو جانە الەكساندر ۋدوۆەنكو بار.
قىلمىستىق ءىستىڭ فيگۋرانتتارى ەۋروپادا ءجۇر جانە ولاردى الۋعا تەك رەسەي عانا ەمەس، سونىمەن قاتار قازاقستان مەن ۋكراينا دا ۇمىتكەر. ماسكەۋ سوتى ءىستى سىرتتاي قارايدى.
تەرگەۋشىلەر ءابليازوۆ "رەسەي فەدەراسياسىنىڭ اۋماعىندا ورنالاسقان، قازاقستاندىق بانكتىڭ اسا ءىرى مولشەردە اقشا قاراجاتىن جۇيەلى تۇردە ۇرلاۋعا مۇمكىندىك بەرەتىن، اۋقىمدى ينۆەستيسيالىق جوبالاردى قارجىلاندىرۋدىڭ بىرنەشە كۇردەلى جانە شاتاستىرىلعان سحەمالارىن ازىرلەدى" دەپ ەسەپتەيدى.
سوت ءىسى 400-گە جۋىق تومنان تۇرادى. ءابليازوۆ اسا ءىرى مولشەردەگى الاياقتىقتىڭ توعىز ەپيزودى بويىنشا ايىپتالادى. ۇشەۋى قىلمىستىق جولمەن كەلگەن مۇلىكتى زاڭداستىرۋ، قىلمىس جاساۋ، وكىلەتتىكتەردى تەرىس پايدالانۋ جانە ۇيىمداسقان توپتىڭ الداۋ جولىمەن اسا ءىرى زالال كەلتىرۋ ناتيجەسىندە الىنعان مۇلىكتى جاريا ەتۋدىڭ ءۇش ەپيزودى بويىنشا ايىپتالۋدا. ۇيىمداسقان قىلمىستىق توپتىڭ الداۋ جولىمەن وكىلەتتىگىن تەرىس پايدالانۋ جانە اسا ءىرى زالال كەلتىرۋ.
پىكىر قالدىرۋ