شىعىس قازاقستان وبلىسى زايسان اۋداندىق سوتىندا "مەملەكەتتىك شەكارانى زاڭسىز كەسىپ ءوتتى" دەپ ايىپتالعان ەتنيكالىق ەكى قازاق قاستەر مۇساحان ۇلى مەن مۇراگەر ءالىمۇلىنا ۇكىم شىقتى دەپ جازادى Qamshy.kz اقپارات اگەنتتىگى.
سۋديا شىنار وسپانوۆا قاستەر مۇساحان ۇلى مەن مۇراگەر ءالىمۇلىن ءارقايسىسىن ءبىر جىلعا باس بوستاندىعىنان ايىرىپ، جازاسىن قاۋىپسىزدىگى تومەن مەكەمەدە وتەۋدى بۇيىردى. سونىمەن قاتار ولاردىڭ ءارقايسىسىنا 25 250 تەڭگە كولەمىندە ايىپپۇل سالدى. سوت ولاردى قىتايعا قايتارماۋدى ۇكىم ەتتى.
2019 جىلى قازان ايىنىڭ باسىندا قىتايدىڭ شىڭجاڭ ولكەسىندە تۋىپ وسكەن ەتنيكالىق قازاقتار قاستەر مۇساحان ۇلى مەن مۇراگەر ءالىم ۇلىنىڭ قازاقستانعا "شەكارانى زاڭسىز كەسىپ وتكەنى" تۋرالى اقپارات تاراعان. 14 قازاندا الماتىداعى ادام قۇقىعىن قورعاۋ بيۋروسىندا وتكەن باسپا ءسوز ءماسليحاتىندا قاستەر مۇساحان ۇلى شىڭجاڭداعى "ساياسي لاگەردە قاماۋدا بولعانىن"، مۇراگەر ءالىم ۇلى قىتايدا "قىسىم كورگەنىن" ايتقان ەدى. قازاننىڭ ورتاسىندا قازاقستان ۇلتتىق قاۋىپسىزدىك كوميتەتى (ۇقك) ول ەكەۋىن "شەكارادان زاڭسىز ءوتتى" دەپ ايىپتاپ، وسكەمەن قالاسىنداعى تەرگەۋ يزولياتورىنا جەتكىزگەن.
پىكىر قالدىرۋ