وتكەن جىلى قازاقستاندا 1002 لاۋازىم يەسى سوتتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ 2019 جىلدىڭ قورىتىندىسىنا ارنالعان القا ماجىلىسىندە اگەنتتىك ءتوراعاسى اليك شپەكبايەۆ مالىمدەدى.
شپەكبايەۆتىڭ ايتۋىنشا، بىلتىر شەنەۋنىكتەرگە قاتىستى سىبايلاس جەمقورلىق تاۋەكەلدەرىن جويۋ تۋرالى 2 مىڭنان اسا ۇسىنىستار ەنگىزىلدى، 800-دەن اسا ۇيىمداستىرۋ شارالارى قابىلداندى، 63 نورماتيۆتىك-قۇقىقتىق اكتىگە وزگەرتۋلەر ەنگىزىلدى. قىلمىستىق ىستەردى تەرگەۋ ناتيجەلەرى بويىنشا 3 مىڭعا جۋىق ۇسىنىمدار ەنگىزىلىپ، ناتيجەسىندە 1175 لاۋازىمدى تۇلعا تارتىپتىك جانە اكىمشىلىك جاۋاپكەرشىلىككە تارتىلدى.
- قىلمىستىق-قۇقىقتىق شارالار ناتيجەسىنە توقتالساق، 1717 سىبايلاس جەمقورلىق قىلمىسى تىركەلدى، ونىڭ جارتىسىنان استامى پاراقورلىق فاكتىلەرىنە تيەسىلى. 1002 لاۋازىم يەسى سوتتالدى. ادامداردىڭ كەڭ شوعىرىنىڭ قاتىسۋىمەن بولعان جۇيەلىك جەمقورلىق ەڭ ءقاۋىپتى بولىپ تۇر. ەسەپتى جىلدا وسىنداي 112 فاكتى انىقتالدى. كەلتىرىلگەن شىعىن سوماسى 24،6 ملرد تەڭگەنى قۇراپ، 22،7 ملرد تەڭگەسى وتەلدى، - دەدى شپەكبايەۆ.
ول كۆازيمەملەكەتتىك سەكتوردا 324 جەمقورلىق قىلمىسى انىقتالعانىن، 160 لاۋازىمدى تۇلعا سوتتالعانىن جەتكىزدى.
پىكىر قالدىرۋ