جامبىل وبلىسىنىڭ جاڭا اكىمى بەردىبەك ساپاربايەۆ قورداي اۋدانىنىڭ ماسانچي اۋىلىندا بولعان وقيعاعا بايلانىستى نەلىكتەن الەۋمەتتىك ەمەس تەحنوگەندىك توتەنشە جاعداي جاريالاعانى تۋرالى مالىمدەمە جاسادى.
– وزدەرىڭىز كورگەندەي اۋىلداعى تۇرعىن ۇيلەردىڭ بارلىعى دەرلىك جارامسىز كۇيدە. ورتەنگەن، قيراعان ماتەريالدىق زاتتار مەن ۇيلەردى قايتا قالپىنا كەلتىرۋ ءۇشىن تەحنوگەندىك توتەنشە جاعداي جاريالاۋدى ءجون دەپ ءبىلeم، – دەدى ساپاربايەۆ ۇكىمەت وتىرىسىنان كەيىن جۋرناليستەرگە بەرگەن سۇحباتىندا.
– ءبىز بارلىق تۇرعىن ۇيلەردى، ساۋدا ورتالىقتارىن قايتا تۇرعىزىپ، جولدارداعى قيراندى ماتەريالداردى تازارتۋىمىز كەرەك. سونىمەن قاتار قازىرگى تاڭدا اۋىلدا جوندەۋ جۇمىستارى جۇرگىزىلەدى جانە قايتىس بولعانداردىڭ جاقىندارى مەن تۋىستارىنا الەۋمەتتىك كومەك كورسەتىلەدى – دەپ بارلىق جاعدايدى ەسكەرەتىنىن اتاپ ءوتتى.
پىكىر قالدىرۋ