بۇل تۋرالى ديماش قۇدايبەرگەن ماسكەۋ قالاسىندا وتكەن باسپا ءسوز ءماسليحاتىندا ايتتى دەپ حابارلايدى Qamshy.kz اقپارات اگەنتتىگى dimashnews.com سايتىنا سىلتەمە جاساپ. 

شارا  9 ناۋرىز كۇنى رەسەي استاناسىندا وتەتىن ديماشتىڭ كونسەرتىنە وراي جۋرناليستەرمەن بەيرەسمي باسقوسۋ رەتىندە ۇيىمداستىرىلدى.

كەزدەسۋگە ءانشىنىڭ اكەسى قانات ايتبايەۆ پەن رەسەيلىك تانىمال كومپوزيتور يگور كرۋتوي قاتىسقان.

 وسى رەتتە، ءانشى ماسكەۋدە وتەتىن كونسەرتتىڭ ءمان-جايى تۋرالى ديماشتىڭ ءوزى ايتىپ بەردى.

«باعدارلامانى «ارناۋ» دەپ اتادىق. ءبىز باسقا ەلدەردە، سونىڭ ىشىندە اقش-تا بىرنەشە كونسەرت قويدىق، ءقازىر ماسكەۋدە اسەرلى كەش وتكىزۋگە دايىندىق ۇستىندەمىز»، - دەدى ول.

"ماسكەۋ" دەمەكشى، باسپا ءسوز كونفەرەنسياسىندا ديماش ءوزىنىڭ «ەۆروۆيدەنيە» بايقاۋىنا رەسەي فەدەراسياسىنىڭ اتىنان قاتىساتىنى تۋرالى قاۋەسەتتى جوققا شىعاردى:

«مەن بۇل جارىستى جوعارى دارەجەلى دەپ سانايمىن، قۇرمەتتەيمىن. ءبىراق مەن وعان قاتىسۋىمنىڭ قاجەتى جوق دەپ ويلادىم. ەگەر وسى ەلدە تۋعان بولسام، رەسەيدىڭ اتىنان شىعار ەدىم. مەن – قازاقستاننىڭ ازاماتىمىن جانە ءوز وتانىمنىڭ پاتريوتىمىن، سوندىقتان بۇل تۋرالى اڭگىمەنىڭ مۇلدە نەگىزى جوق»، – دەدى قازاقستاندىق ءانشى.

ال ديماشقا ۇنەمى تىلەكشى بولىپ، شىعارماشىلىق بايلانىس ورناتقان اتاقتى كومپوزيتور يگور كرۋتوي جۋرناليستەرمەن بولعان كەزدەسۋدىڭ وزىندە ءانشىنىڭ تالانتىنا دەگەن تاڭدانىسىن جاسىرا الماعان. 

"ديماشتىڭ ەرەكشە داۋىسى، قايتالانباس ىرعاعى بار. ونىڭ مۋزىكانى ءوزى ارقىلى وتكىزۋى وتە ماڭىزدى. ويتكەنى، ول كەرەمەت دارىنعا يە. ال مەن ونىڭ ساۋاتتى جانكۇيەرىمىن! سەبەبى، قانشا تىرىسسام دا، وعان ۇقساي المايتىنىما انىق كوزىم جەتەدى. ونىڭ تالانتى بيىك»، - دەدى ي.كرۋتوي.

وقي وتىرىڭىز: "ول مەنىڭ وتانىم – قازاقستان": ديماش قۇدايبەرگەن رەسەيلىكتەردىڭ ۇسىنىسىنا جاۋاپ بەردى