پرەزيدەنت ق.توقايەۆ «قازاقتەلەكوم» اق باسقارما ءتوراعاسى قۋانىشبەك ەسەكەيەۆتى قابىلدادى، دەپ جازادى اقوردا سايتى.
مەملەكەت باسشىسىنا «قازاقتەلەكوم» اكسيونەرلىك قوعامىنىڭ 2019 جىلعى قورىتىندىلارى جايىندا باياندالىپ، Smart sity تۇجىرىمداماسىنىڭ ورىندالۋ بارىسى، «سمارت اقكول» جوباسى بويىنشا اتقارىلىپ جاتقان جۇمىستار تۋرالى ايتىلدى.
سونىمەن قاتار قۋانىشبەك ەسەكەيەۆ قازاقستان پرەزيدەنتىنە «قازاقتەلەكوم» اكسيونەرلىك قوعامىنىڭ «Kcell» جانە «Tele2» كومپانيالارىنىڭ اكسيالارىن ساتىپ العانى، ولاردىڭ جۇمىسىن ينتەگراسيالاۋ شارالارى، ءموبيلدى قىزمەت جوباسىنىڭ جۇزەگە اسىرىلۋى جونىندە دە مالىمەت بەردى.
كەزدەسۋ سوڭىندا قاسىم-جومارت توقايەۆ قۋانىشبەك ەسەكەيەۆكە ەلدى مەكەندەردى تولىقتاي ءموبيلدى بايلانىسپەن قامتاماسىز ەتىپ، اۋىلدارداعى مەكتەپتەر مەن مەديسينالىق پۋنكتتەرگە ينتەرنەت جەلىسىن جەتكىزۋدى، سونداي-اق، ولاردىڭ باعاسىن قىمباتتاتپاۋدى تاپسىردى.
پىكىر قالدىرۋ