20 اقپانداعى مالىمەتتەر بويىنشا، كوروناۆيرۋس جۇقتىرعاندار سانى 75 713 ادامدى قۇرادى.  2126 ادام قايتىس بولسا،  اۋرۋحانادان شىققاندار سانى 16 231- ءدى قۇرادى. بۇل تۋرالى قىتايدىڭ دەنساۋلىق ساقتاۋ ورگانى حابارلادى. 

كوروناۆيرۋستىڭ وشاعى اتالاتىن حۋبەي پروۆينسياسىندا 108 جاڭا ءولىم تىركەلدى. ال دۇنيەجۇزى بويىنشا 114 ءولىم ءتۇرى تىركەلگەن.

جاپوندىق NHK تەلەارناسىنىڭ حابارلاۋىنشا، جاپونياداعى DIAMOND PRINCESS كرۋيزدىك كەمەسىنەن COVID-2019 ۆيرۋسىنىڭ جاڭا قۇرباندارى پايدا بولعان. ودان ەكى ادام قايتىس بولدى. 

سونىمەن قاتار ۋحانداعى 55 جاستاعى كينورەجيسسەر، HUBEI FILM STUDIO كومپانياسىنىڭ وكىلى چان كاي قايتىس بولدى. كينورەجيسسەر ۆيرۋستى اپكەسى ەكەۋى اتا-اناسىنان جۇقتىرعان. اۋرۋحانالاردىڭ تولىپ كەتكەنىنە بايلانىستى، اكەسى مەن اناسىن اۋرۋحاناعا جاتقىزۋ مۇمكىن بولماعان. 

چان كايدىڭ اكەسى 25 قاڭتاردا قايتىس بولدى. ونىڭ ىستىعى كوتەرىلىپ، جوتەل جانە دەمىكپە مازالاعان. كەيىن ءدال وسى ۆيرۋستان ونىڭ اناسى دا كوز جۇمدى. وسىنداي جاعدايلاردان كەيىن رەجيسسەر مەن ونىڭ قارىنداسىنىڭ دا ءقاۋىپتى ىندەتكە دۋشار بولعانى انىقتالعان. 

رەجيسسەر ۆيرۋستىڭ باستاپقى ساتىسىندا ەم قولدانۋدان باس تارتقان. وسىلايشا ول 14 اقپاندا باقيلىق بولدى. ول ءوزىنىڭ الەۋمەتتىك جەلىدەگى دوستارىمەن جانە ۇلىبريتانيادا وقيتىن ۇلىمەن دە قوشتاسقان بولاتىن. سونداي-اق، چان كايدىڭ اپكەسى دە قايتىس بولعان. ءقازىر رەجيسسەردىڭ ايەلى جانساقتاۋ بولىمىندە. دارىگەرلەر ونىڭ ءومىرىن ساقتاپ قالۋ ءۇشىن كۇرەسۋدە.