وڭتۇستىك كورەيادا قازاقستان ازاماتى يمميگراسيالىق زاڭداردى بۇزدى دەپ ايىپتالدى. بۇل تۋرالى كورەيالىق ب ا ق وكىلدەرى حابارلادى.

شامامەن 20 شەتەل ازاماتىنا بوسقىن مارتەبەسىن الۋعا كومەكتەسكەنى ءۇشىن قازاقستان ازاماتى 2 جىلعا باس بوستاندىعىنان ايىرىلدى. ول ءوز قىزمەتى ءۇشىن ءبىر ادامنان 1 ميلليون ۆوننان (834 اقش دوللارى) العان.

ونىمەن بىرگە بۇل ىسكە وڭتۇستىك كورەيانىڭ ەكى ازاماتىنىڭ دا قاتىسى بار، ولارعا دا تيىسىنشە ايىپ تاعىلدى. سوت شەشىمى بويىنشا ولار 3-5 ميلليون ۆون كولەمىندە ايىپپۇل تولەۋگە مىندەتتى. 

بۇل وڭتۇستىك كورەيادا سوتتالعان العاشقى قازاقستاندىق ەمەس. 2020 جىلدىڭ باسىندا چانۆون وكرۋگىنىڭ سۋدياسى 21 جاستاعى قازاقستان ازاماتىن ادام قاعىپ، كولىكتى ليسەنزياسىز جۇرگىزگەنى ءۇشىن 2 جىل 6 ايعا باس بوستاندىعىنان ايىرعان بولاتىن. پروكۋراتۋرا وعان 5 جىل باس بوستاندىعىنان ايىرۋدى سۇرادى. ءبىراق سۋديا سوتتالۋشىنىڭ وكىنگەنىن، سونداي-اق، كورەياعا ءوز ەركىمەن كەلگەنىن  ەسكەردى. 

وقيعا 20 قىركۇيەكتە بولعان. قازاقستان ازاماتى 7 جاسار بالانى قاققاننان كەيىن، كەلەسى كۇنى قازاقستانعا ۇشىپ كەتكەن.