كەزدەسۋدە اقتوبەگى جوعارى اۋىل شارۋاشىلىعى كوللەدجىنىڭ ديرەكتورى امانكەلدى ەسىركەپوۆ اۋىل شارۋاشىلىعى سالاسى ماماندارىن ازىرلەۋدە قۇزىرلى ورگانداردىڭ تاجىريبەدەن ءوتۋ ماسەلەسىندەگى كىناراتتاردى اتادى:
«بىزگە تاجىريبە جاعى جەتىسپەيدى. ءبىزدىڭ كوللەدجدىڭ بازاسىندا ءتورت تۇلىك مالدىڭ ءبارى بار. ول ءۇشىن ءبىز مەملەكەت بيۋدجەتىنەن ەشتەڭە المايمىز. ستۋدەنتتەردىڭ تاجىريبەدەن ءوتۋىن ۇيىمداستىرۋ جاعىن قولداۋ كەرەك. سونداي-اق، قازاقستاندا اۋىل شارۋاشىلىعى ماماندارىن دايىنداۋعا قاتىستى كىتاپ سوڭعى رەت 2010 جىلى شىققان. بىلىكتى ماماندار دايارلاۋ ءۇشىن سوڭعى شىققان سالالىق كىتاپتار قاجەت. ەكىنشى ماسەلە، ول پەداگوگتاردى قولداۋ ماسەلەسى تۇر»، - دەدى امانكەلدى ەسىركەپوۆ.
وسى رەتتە، سەنات سپيكەرى ورىندى ماسەلە كوتەرىلىپ وتىرعانىن ايتا كەلىپ:
«كوللەدجدەن كەيىن جۇمىسقا الاتىن مامانداردىڭ دايىندىق دەڭگەيى تومەن، تاجىريبەلىك داعدىلارى جوق. بيۋدجەتتەن قارجى بولىنەدى، ەسەپتەردە ءبارى دۇرىس. ال ءىس جۇزىندە ماماندار تاپشى»، - دەدى ول.
"قارجى" دەمەكشى، كەزدەسۋ بارىسىندا كوللەدج باسشىلارى قاراجاتتىڭ تاپشى بولۋ سەبەبىن دە جەتكىزدى. ولاردىڭ ايتۋىنشا، وقۋ ورىندارى ءجيى مال ساتىپ الۋعا ءماجبۇر. سەبەبى، ونى ستۋدەنتتەردىڭ مال شارۋاشىلىعىندا ناقتى تاجىريبە جيناقتاۋى ءۇشىن پايدالانادى.
ءتىپتى، سونداعى ديرەكتورلاردىڭ ءبىرى :«ول ءۇشىن مەن 12 سيىر ۇستايمىن»، - دەپ اشىعىن دا ايتتى.
پىكىر قالدىرۋ