بۇگىن جامبىل وبلىسى پروكۋرورىنىڭ ءبىرىنشى ورىنباسارى اۋىستى. بۇل تۋرالى دەپارتامەنتتىڭ باسپا ءسوز قىزمەتى حابارلايدى.
"باس پروكۋروردىڭ بۇيرىعىمەن 19 اقپاندا جامبىل وبلىسى پروكۋرورىنىڭ ءبىرىنشى ورىنباسارى بولىپ مامايەۆ قانات ەسىركەپ ۇلى تاعايىندالدى" دەلىنگەن حابارلامادا.
قانات مامايەۆ 1974 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىندە زاڭگەر ماماندىعى بويىنشا بىتىرگەن.
پروكۋراتۋرا ورگاندارىندا 1996 جىلدان باستاپ قىزمەت اتقاردى. بۇعان دەيىن ول وڭتۇستىك قازاقستان وبلىسى سارىاعاش اۋدانىنىڭ، الاتاۋ، المالى، مەدەۋ اۋداندارىنىڭ پروكۋرورى، الماتى جانە قوستاناي وبلىسى پروكۋرورلارىنىڭ ورىنباسارى بولعان.
2019 جىلدىڭ قىركۇيەگىنەن باستاپ اقمولا وبلىسى پروكۋرورىنىڭ ءبىرىنشى ورىنباسارى بولىپ جۇمىس ىستەگەن.
بۇعان دەيىن جامبىل وبلىسىنىڭ پروكۋرورى جارقىن قۇسايىنوۆ بولعان.
پىكىر قالدىرۋ