مىسىردىڭ بۇرىنعى پرەزيدەنتى حوسني مۋباراك سەيسەنبى كۇنى 91 جاسىندا قايتىس بولدى.
«بۇرىنعى پرەزيدەنت مۇحاممەد حوسني مۋباراك قايتىس بولدى»، - دەپ حابارلادى مىسىردىڭ مەملەكەتتىك تەلەارناسى.
ەl-Watan باسىلىمى مۋباراك اۋرۋمەن ۇزاق كۇرەسكەننەن كەيىن قايتىس بولعانىن حابارلادى.
قاڭتاردىڭ اياعىندا بۇرىنعى پرەزيدەنت اسقازانىنداعى ىسىكتى الىپ تاستاۋ ءۇشىن وتا جاساتقان. كەيىن ونىڭ جانساقتاۋ بولىمىندە ەكەنى حابارلاندى.
حوسني مۋباراك 1981 جىلدان 2011 جىلعا دەيىن مىسىردى 30 جىل باسقاردى. 2011 جىلى حالىقتىڭ جاپپاي شەرۋگە شىعۋىنان كەيىن وتستاۆكاعا كەتتى. كەيىن ەكس-پرەزيدەنتتى جەمقورلىق جاسادى جانە دەمونسترانتتاردىڭ ولىمىنە سەبەپكەر بولدى دەگەن ايىپپەن قاماۋعا الىندى. مۋباراك التى جىلعا جۋىق تۇرمەدە وتىردى. 2017 جىلى ول بوساتىلدى.
پىكىر قالدىرۋ