ۆيدەودا كورسەتىلگەندەي، اۋەلى بىرنەشە ادام وڭ قولىمەن كەۋدەسىنىڭ سول جاعىن ۇستاپ، گيمندى ورىنداعانداي بەينە تانىتادى. سوسىن ىلە-شالا باسقاشا تۇرگە ەنىپ، ءانۇراندى "رەپكە" اينالدىرىپ بيلەي جونەلەدى.
بۇل ازداي روليك سوڭىندا قازاقستان ءانۇرانى قالاي مونتاجدالعانى دا اشىق كورسەتىلگەن.
بۇل ارەكەت قازاقستان رەسپۋبليكاسىنىڭ مەملەكەتتىك رامىزدەرى تۋرالى زاڭىنا قايشى ەكەنى بەلگىلى بولسا دا، ۆيدەو instagram الەۋمەتتىك جەلىسىندە جىلدام تارالىپ جاتىر.
دالىرەك ايتقاندا، اتالعان زاڭنىڭ 9-شى بابى، 4ء-شى تارماقشاسىندا «قازاقستان رەسپۋبليكاسى مەملەكەتتىك گيمنىنىڭ ءماتىنى مەن مۋزىكالىق رەداكسياسىن باسقا مۋزىكالىق شىعارمالاردىڭ جانە وزگە دە ونەر تۋىندىلارىنىڭ نەگىزى رەتىندە پايدالانۋعا بولمايدى» دەپ انىق جازىلسا دا روليك يەلەرى وعان پىسقىرمايتىن سەكىلدى.
ايتا كەتەيىك، ۆيدەو TikTok ۆيدەوحوستينگىنىڭ كومەگىمەن جاسالعان. مۇنداعى TikTok ءسوزى – قىسقا ۆيدەولار تۇسىرۋگە ارنالعان حالىقارالىق ۆيدەوحوستينگ دەگەندى بىلدىرەدى.
پىكىر قالدىرۋ