مەديسينالىق ساقتاندىرۋ جۇيەسىندەگى قازاقستاندىقتار جانە كامەلەتكە تولماعان جاسوسپىرىمدەر ەمحانالار مەن ءدارىحانالاردا تەگىن دارى-دارمەك الا الادى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ ب ا ق وكىلدەرىمەن كەزدەسۋ كەزىندە ايتتى.
– ءبىز كوممەرسيالىق ءدارىحانالاردا تەگىن دارى-دارمەك الاتىن جۇيەدە بولدىق. 2015 جىلعا دەيىن كوممەرسيالىق ءدارىحانالار بىزدەن اقشا الىپ وتىردى. ولار دارى-دارمەك قۇنىنان بولەك 25%-عا دەيىن قوسىمشا اقشا الىپ وتىردى. مەنىڭ ويىمشا، بۇل سۇمدىق الداۋ. سوندىقتان ءبىز بۇل 25%-دى بىرەۋگە بەرگەننەن گورى، ارنايى ەمحانادان ءاربىر ناۋقاس دارى-دارمەگىن الىپ، ەم قابىلداسا دەيمىز. بولاشاقتا ءبىز كەز كەلگەن ءدارىحانادان دارى-دارمەكتى قولجەتىمدى باعادا الا الاتىنداي جۇيەگە ورالعىمىز كەلەدى، – دەدى ءبىرتانوۆ.
ءقازىر ءدارىحانالار اراسىندا تەندەر وتكىزىلمەيدى. ەگەر دارى-دارمەكتەر رەسەپتەرى بولسا، بارلىق ءدارىحانالار تەگىن دارى-دارمەكپەن قامتاماسىز ەتىلەدى.
– ءبىز بۋحگالتەرلىك ەسەپتى كورۋ ءۇشىن بۇكىل جۇيەنى سيفرلاندىرۋىمىز كەرەك. ياعني، زاڭ بۇزۋشىلىقتارعا جول بەرمەۋ ءۇشىن تەگىن ەلەكتروندى رەسەپتتەر جۇيەسىن جاسادىق، ەندى ونى بيىلعى جىلى جەكە ءدارىحانالاردا سىناقتان وتكىزىپ جاتىرمىز، بۇل 2 جىلعا سوزىلادى، – دەدى مينيستر.
سونداي-اق مينيستر قازىرگى ۋاقىتتا ۇيگە جەدەل-جاردەم قىزمەتكەرلەرىن شاقىرعان كەزدە، انتيپيرەتيكالىق پرەپاراتتاردى قابىلداۋ پروبلەماسى تۋىنداپ جاتاتىنىن اتاپ ءوتتى.
– ءبىز بۇل ماسەلەنى بىلەمىز جانە ونىمەن جۇمىس جاساۋدامىز، ءبىراق ادامدارعا كومەك قاجەت بولعاندا جاقىن ماڭدا ورنالاسقان ءدارىحانا نەمەسە ەمحاناعا بارۋى كەرەك. جاقىن ارادا بۇل ماسەلەنىڭ شەشىمىن تابامىز، – دەپ سەندىردى مينيستر.
پىكىر قالدىرۋ