ىشكى ىستەر مينيسترلىگى مەن ۇلتتىق قاۋىپسىزدىك كوميتەتى قىزمەتكەرلەرىنىڭ تەرگەۋ-جەدەل توبى بۇگىن اسكەري بولىمنەن قارۋ ۇرلاعان تاعى ءبىر كۇدىكتىنى ۇستادى. بۇل تۋرالى Polisia.kz حابارلادى.

كۇدىكتى شىمكەنتتەگى تانىسىنىڭ ۇيىندە جاسىرىنعان. ونىڭ 2 "ماكاروۆ" جاۋىنگەرلىك تاپانشاسىن جانە اسكەري بولىمنەن ۇرلانعان تراۆماتيكالىق تاپانشانى العانى انىقتالدى.  

بۇعان دەيىن ۆەدومستۆوارالىق توپتىڭ قىزمەتكەرلەرى سەرجانتتان اتىس قارۋىن ساتىپ العان اسكەري قىزمەتشىنىڭ 3 دوسىن ۇستادى.

قىلمىس جاسالعاننان كەيىن كۇدىكتىلەردىڭ ءبارى قاشىپ، پوليسيادان جاسىرىنعان. سوندىقتان كۇدىكتىنى ۇستاۋ ءۇشىن الماتى، شىمكەنت جانە تۇركىستاندا سەكىلدى بىرنەشە قالا، وبلىستاردا تەكسەرىس جۇرگىزىلگەن.

– جەدەل-ىزدەستىرۋ ءىس-شارالارى بارىسىندا قىلمىسقا قاتىسى بار كۇدىكتىلەر انىقتالىپ قانا قويماي، سونداي-اق ولار ۇرلانعان بارلىق قارۋدى تاركىلەۋگە مۇمكىندىك تۋدى، – دەيدى قۇقىق قورعاۋ ورگاندارى. بۇل-29 “كالاشنيكوۆ” اۆتوماتى، 28 “ماكاروۆ” پەن تراۆماتيكالىق تاپانشا جانە 2 دانا پىشاق.

– جالپى العاندا، بۇل قىلمىستىق ىستەر بويىنشا 8 ادام كۇدىكتى رەتىندە انىقتالدى. 4 اسكەري قىزمەتشى، ونىڭ ىشىندە ءبولىم كومانديرى جانە تاعى 4 ازامات، – دەپ حابارلادى پوليسيانىڭ باسپا ءسوز قىزمەتى .

ىشكى ىستەر مينيسترلىگى تەرگەۋ دەپارتامەنتىنىڭ اسكەري-تەرگەۋ ءبولىمى سوتقا دەيىنگى تەرگەۋدى جالعاستىرۋدا.