بۇل تۋرالى سىبايلاس جەمقورلىققا قارسى ءىس-قيمىل ماسەلەلەرى بويىنشا IV رەسپۋبليكالىق كاسىپكەرلەر فورۋمىندا ايتىلدى، دەپ حابارلايدى Qamshy.kz اقپارات اگەنتتىگى.
وسى رەتتە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ تەكسەرۋ جۇمىستارى باستالعانىن جەتكىزدى.
«بۇگىنگى كۇنى اگەنتتىك «قازاگرو» ۇك ەنشىلەس ۇيىمى اگرارلىق نەسيە كورپوراسياسىنا قاتىستى تەرگەۋ جۇرگىزۋدە. ونىڭ باسشىلىعى زاڭسىز سىياقى الۋ ءۇشىن حوۋم كرەديت بانكىندەگى دەپوزيتكە اۋىل كاسىپكەرلەرىن جەڭىلدىكپەن نەسيەلەندىرۋگە باعىتتالعان 11 ملرد تەڭگەنى سالعان. بۇل ءبىر بانك بويىنشا عانا جاعداي. تەكسەرۋ جۇمىستارى ەندى عانا باستالعانىن ايتقىم كەلەدى»، - دەيدى سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى.
وسىلايشا، اۋىل كاسىپكەرلەرىنە بولىنگەن 11 ملرد تەڭگەنىڭ تەرىس ماقساتتا پايدالانىلعانى انىقتالىپ وتىر. ءارى بۇل جالعىز-اق بانك بويىنشا انىقتالعان جاعداي دەيدى اليك شپەكبايەۆ.
وقي وتىرىڭىز: شپەكبايەۆ تاعى دا «كۇرەسەتىن» جەرگە تاعايىندالدى
پىكىر قالدىرۋ