«جىگەرلى ليدەرلەر – قۋاتتى پارتيا». وسىلايشا Nur Otan حالىقارالىق تاجىريبەگە ساي حالىقپەن جۇمىس ىستەۋدىڭ جاڭا تاسىلدەرىن ەنگىزۋدە. سونىڭ ءبىرى – ىشكى پارتيالىق سايلاۋ، ياعني پرايمەريز،- دەپ حابارلايدى Qamshy.kz ءتىلشىسى.

قازىرگى ۋاقىتتا Nur Otan باسشىلىعى ەلدىڭ تۇكپىر-تۇكپىرىن ارالاپ، پرايمەريز تۋرالى ءتۇسىندىرۋ جۇمىستارىن جۇرگىزۋدە.

اپتا باسىنان بەرى جەتەكشى پارتيا ءتوراعاسىنىڭ ءبىرىنشى ورىنباسارى باۋىرجان بايبەك شىمكەنت، تۇركىستان، قىزىلوردا وڭىرلەرىندە جۇمىس ساپارىمەن ءجۇر. ول شالعايداعى ءبىرقاتار ەلدى مەكەندەرىنىڭ تۇرعىندارىمەن كەزدەسىپ، كوكەيكەستى ماسەلەلەردى سول جەردە تالقىلاپ، شەشىمىن بىرگە قاراستىردى.

– ءبىز ءاربىر وڭىردە ءساۋىر-مامىر ايلارىندا پرايمەريز وتكىزەمىز. قازاقستان بويىنشا 920 مىڭ ادامدى ۇيىمداستىرىپ، حالىققا ءبىز مۇمكىندىگىنشە ءوزىمىزدىڭ ساياساتىمىزدى ءتۇسىندىرۋىمىز كەرەك،- دەدى ب. بايبەك.

پرايمەريزگە كوپتەگەن ساياساتتانۋشى-ساراپشىلار قىزىعۋشىلىق تانىتىپ وتىر. ءبىراق قاراپايىم تۇرعىندار ول تۋرالى ناقتى بىلە بەرمەيدى.

سىر وڭىرىندە جۇرگەن Nur Otan حاتشىسى ارمان قىرىقبايەۆ تا ءوڭىردىڭ قوعامدىق كەڭەس مۇشەلەرىمەن، ءتۇرلى سالا وكىلدەرىمەن، زيالى قاۋىمىمەن، جاستارمەن كەزدەسكەندە بۇل جاڭالىق جايلى ايتىپ بەردى.
⠀
– ناقتى ايتساق، پرايمەريز دەگەن – سايلاۋ الدىنداعى ىشكى سايلاۋ. بۇيىرتسا، كوكتەمدە بۇكىل ەلدە كادىمگىدەي دودا، دەبات، ۇگىت-ناسيحات جۇمىسى بولادى. سۋىرىلىپ شىققان ەڭ مىقتى، ەلگە ءسوزى وتەتىن بەدەلدىلەر پارتيا اتىنان ۇمىتكەرلەر تىزىمىنە ءىلىنىپ، ۇلكەن سايلاۋعا تۇسەدى. دامىعان دەموكراتيالاردا ساياسي پارتيالار وسىلاي الدىن-الا ىشكى «سايلاۋ» وتكىزىپ الۋعا تىرىسادى. ول ءبىر جاعىنان پارتيانىڭ ءوز ىشىندەگى مىقتىلارىن ىرىكتەۋگە مۇمكىندىك بەرسە، ەكىنشى جاعىنان، پارتيامەن مۇراتتاس، ەلدىڭ ءسوزىن سويلەيتىن باسقا دا ازاماتتاردى قاتارعا تارتۋدىڭ قۇرالى،- دەدى ارمان قىرىقبايەۆ.

ونىڭ ايتۋىنشا، پرايمەريز ارقىلى پارتيانىڭ كەز كەلگەن مۇشەسى جانە پارتيا قاتارىندا بولماسا دا، ەلدىك مۇددە جولىندا ونىمەن مۇراتتاس بارلىق ازاماتتار، ارنايى ءوتىنىش بەرىپ، ىرىكتەۋگە قاتىسۋعا، جەڭسە تىزىمگە ەنە الادى.
بۇل – كوكەيدەگى ەلگە دەگەن پايدالى ويلارىمدى قالايشا ىسكە اسىرامىن دەپ جۇرگەن بەلسەندى جاندارعا جاقسى مۇمكىندىك بولماق.

 

 

 

پوسموترەت ەتۋ پۋبليكاسيۋ ۆ Instagram

 

 

ءبىزدىڭ پارتيانىڭ كۇشى – ول جاستار. بۇگىن سىر ءوڭىرىنىڭ جاستارىمەن كەزدەستىم. قىزىلوردانىڭ جاس كوشباسشىلارى مەن جاسوتاندىقتارىنا Nur Otan-نىڭ العا قويعان ماقساتتارى مەن قولعا العان جۇمىستارى تۋرالى ايتىپ بەردىم. ⠀ «Nur Otan» – ءوزىنىڭ «Jas Otan» ارنايى جاستار قاناتى بار ەلىمىزدەگى جالعىز پارتيا. ءجۇز مىڭداعان جاستى بىرىكتىرگەن ۇيىمنىڭ بارلىق وڭىردە فيليالى بار. ⠀ ءقازىر پارتيانىڭ جاستار قاناتى باسشىلارى ەلىمىزدىڭ بۇكىل وڭىرلەرىن ارالاۋدا. كەزدەسىپ قانا قويماي، ناقتى ۇسىنىستارى مەن پروبلەمالارىنا ەرەكشە دەن قويۋدا. ⠀ ءبىر ميلليوننان استام ستۋدەنت جاستاردىڭ كەشەگى كۇنگە دەيىن شەشىلمەي كەلە جاتقان ماسەلەلەرىن ۇدايى كوتەرىپ، وڭ شەشىلۋىنە ىقپال ەتۋدە. ماسەلەن، وسى جىلدىڭ 1 تامىزىنا دەيىن ەلىمىزدەگى 66 جاتاقحانا جوندەۋدەن وتكىزىلەدى. بۇل جاڭالىقتى جاستار جاقسى قابىلدادى. ⠀ سىر جاستارىنىڭ بەلسەندىلىگى ۇنادى. وزدەرىنىڭ كوكەيلەرىندە جۇرگەن ۇسىنىس-پىكىرلەرى مەن مازالاعان ماسەلەلەرىن اشىق ايتىپ وتىردى. ⠀ ماسەلەن، جاستاردى باسپانامەن قامتۋ پروبلەماسىن، «ديپلوممەن اۋىلعا» باعدارلاماسىنا بولىنەتىن قارجى كولەمىن ۇلعايتۋ كەرەكتىگىن، اۋىلدارداعى كاسىپ اشامىن دەگەن جاستارعا كەدەرگىلەردىڭ كوپتىگىن تىلگە تيەك ەتتى. بۇل ماسەلەلەردىڭ بارلىعى جاستار قاناتىنىڭ «جاستار – وتانعا» باعدارلاماسىن ازىرلەۋ بارىسىندا مىندەتتى تۇردە ەسكەرىلەتىنىن جەتكىزدىم. ⠀ كەزدەسۋ سوڭىندا جاستار وزدەرىنىڭ بەيرەسمي شاراسىنا شاقىردى. بارىپ، تىلدەسىپ، كوكەيىندە جۇرگەن سۇراقتارىنا جاۋاپ بەرۋگە تىرىستىم. قۋانتاتىنى – بۇگىنگى جاستار ەركىن ويلى، جاڭاشىل ءارى باتىل.

پۋبليكاسيا وت ارمان قىرىقبايەۆ (@arman_kyrykbayev) 27 فيەۆ 2020 ۆ 3:33 PST