مەملەكەتتىك قىزمەتتە 30 جىل قىزمەت ەتكەن شەنەۋنىك، جاس شەنەۋنىكتەردى قىلمىس جاساماۋعا شاقىردى. بۇل تۋرالى zakon.kz حابارلادى.

سەمەي قالاسىنىڭ مەملەكەتتىك قىزمەت باسشىلارى قاۋىپسىزدىگى جوعارى كولونياعا بارىپ قايتتى. وۆ 156\14 قاۋىپسىزدىگى جوعارى كولونياسى – اۋىر قىلمىس جانە وتە اۋىر قىلمىس جاساعان قىزمەتكەرلەر مەن سىبايلاس جەمقورلىققا قاتىسى بار مەملەكەتتىك قىزمەتكەرلەر جازاسىن وتەيتىن جالعىز مەكەمە. 

شەنەۋنىكتەر سوتتالعانداردىڭ اسحاناسى، جاتىن بولمەسى جانە جۇمىس ورىندارىندا بولىپ، ولارمەن كەزدەستى. 

تۇتقىنداردىڭ ءبىرى، بۇرىنعى شەنەۋنىك قازىرگى شەنەۋنىك جاستاردى قىلمىس جاساماۋعا شاقىردى. 

– مەملەكەتتىك قىزمەتتە 30 جىل كولەمىندە لاۋازىمدى قىزمەتكەر جانە  ادۆوكات بولدىم. كەيىن "بوپسالاۋ" قىلمىستىق ءىسى بويىنشا 8 جىلعا باس بوستاندىعىمنان ايىرىلدىم. ونىڭ 3 جىلىن وتەدىم. سىزدەر ەتيكاعا باعىندىڭىزدار، ادال قىزمەت ەتىڭىزدەر. سىبايلاس جەمقورلىققا بارعان جوقسىزدار، تۇرمەدە وتىرمادىڭىزدار. ەستەرىڭىزدە بولسىن، جەڭىل اقشامەن ءسىز ءوز وتباسىڭىزدى، جاقىندارىڭىزدى ءبىر ساتتە-اق، جامان اتتى ەتە الاسىزدار. ءوز مانسابىڭىز بەن جاقىندارىڭىزدىڭ مانسابىنا قيىندىقسىز نۇكتە قوياسىزدار، – دەپ ءوز جازاسىنىڭ 3 جىلىن وتەگەن شەنەۋنىك جاس شەنەۋنىكتەرگە ۇندەۋ جولدادى. 

قاڭتار ايىنان باستاپ، سىبايلاس جەمقورلىققا قارسى كۇرەس قىزمەتى مەملەكەتتىك قىزمەتكەرلەردىڭ سىبايلاس جەمقورلىققا بارماۋى ءۇشىن رەسپۋبليكا كولەمىندە بىرنەشە ەكسكۋرسيا وتكىزگەن.