مەملەكەت باسشىسىنىڭ جارلىعىمەن ءالىم سەرىك ۇلى قيرابايەۆ قازاقستان رەسپۋبليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى. بۇل تۋرالى اقوردا سايتى حابارلادى.
ءالىم سەرىك ۇلى قيرابايەۆ عالىم، فيلولوگيا عىلىمىنىڭ دوكتورى، پروفەسسور، اكادەميك سەرىك قيرابايەۆتىڭ ۇلى.
ول 1994 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن «الەۋمەتتانۋ وقىتۋشىسى» ماماندىعى بويىنشا ءبىتىردى.
1993-1994 جىلدارى – «يتورۋ كورپورەيشن» جاپون فيرماسى وكىلدىگىنىڭ بيزنەس-ساراپشىسى.
1997 جىلدان باستاپ ق ر ءسىم جۇيەسىندە جۇمىس ىستەيدى.
2006 جىلدان باستاپ ۆەدومستۆودا باسشىلىق قىزمەت اتقارادى.
2008-2015 جىلدارى – امەريكا دەپارتامەنتى ديرەكتورىنىڭ ورىنباسارى جانە ق ر ءسىم سىرتقى ساياسي تالداۋ جانە بولجاۋ دەپارتامەنتى ديرەكتورىنىڭ ورىنباسارى.
2015-2019 جىلدارى سىرتقى ساياسي تالداۋ جانە بولجاۋ دەپارتامەنتىن باسقاردى.
2019 جىلعى قىركۇيەكتەن باستاپ قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى بولىپ ىستەگەن.
II سىنىپتى توتەنشە جانە وكىلەتتى ۋاكىل ديپلوماتيالىق دارەجەسى بار.
پىكىر قالدىرۋ