يران بيلىگى كوروناۆيرۋسقا بايلانىستى 54 مىڭ تۇتقىندى ۋاقىتشا بوساتاتىنىن حابارلادى، دەپ جازادى Qamshy.kz اقپارات اگەنتتىگى Flipboard سايتىنىڭ دەرەگىن نەگىزگە الىپ. 

بيلىك جابىق رەجيمدەگى مەكەمەدە ۆيرۋس جۇقتىرۋ ءقاۋپى جوعارى ەكەنىن ايتتى.  سوت وكىلىنىڭ حابارلاۋىنشا، كوروناۆيرۋس جۇقتىرماعان قىلمىسكەرلەر عانا تۇرمەدەن ۋاقىتشا بوساتىلادى. سونداي-اق تۇرمەدەن شىققاندارعا كەپىل تولەۋ مىندەتتەلگەن. 

"جازاسىن وتەۋشىلەر قانداي قىلمىس جاساسا دا، ولاردىڭ دەنساۋلىعى ءبىز ءۇشىن ماڭىزدى"، - دەپ مالىمدەدى يران سوت جۇيەسىنىڭ باسپا ءسوز حاتشىسى  گولامحوسسەينا ەسمايلي.

دەگەنمەن، يران ازاماتتارىنىڭ قاۋىپسىزدىگىن ساقتاۋ ءۇشىن 5 جىلدان استام ۋاقىتقا باس بوستاندىعىنان ايىرىلعاندار تۇرمەدە قالادى. 

سوڭعى دەرەك بويىنشا، يراندا 92 ادام كوروناۆيرۋستان قازا تاپقان، 2922 ادام ۆيرۋس جۇقتىرعان.