پرەزيدەنت قاسىم-جومارت توقايەۆ ايەلدەردى 8 ناۋرىز مەرەكەسىمەن قۇتتىقتادى، دەپ جازادى اقوردا. 

"سىزدەردى حالىقارالىق ايەلدەر كۇنىمەن شىن جۇرەكتەن قۇتتىقتايمىن! ايەلدەر قاۋىمى – ءاردايىم وتباسىنىڭ ۇيىتقىسى، بەرەكە-بىرلىكتىڭ شىراقشىسى. ءار ادامنىڭ ومىرىندەگى قۋانىشتى ءارى جارقىن ساتتەردىڭ كوپ بولۋىنا سىزدەر مول ۇلەس قوسىپ كەلەسىزدەر.   

ەل باسىنا كۇن تۋعاندا اسىل انالارىمىز بەن اياۋلى ارۋلارىمىز قيىندىققا مويىماي، ۇلت تاعدىرىنا ارالاستى. ەسەلى ەڭبەگىمەن جانە ەرەن ەرلىگىمەن تانىلعان ايەلدەردىڭ ەسىمدەرى تاريح جىلناماسىنا ماڭگىلىككە جازىلىپ، جادىمىزدا جاتتالادى.

ەگەمەن ەلىمىزدە ايەلدەر قاۋىمى ءۇشىن جاڭا مۇمكىندىكتەرگە جول اشىلدى. وتباسى ينستيتۋتىن، كوپ بالالى انالاردى، كاسىپكەر ايەلدەردى قولداۋ جانە گەندەرلىك تەڭدىكتى قامتاماسىز ەتۋ – مەملەكەتتىك ساياساتتىڭ اسا ماڭىزدى باسىمدىعى.

سىزدەردىڭ شىعارماشىلىق جانە كاسىبي بىلىكتىلىكتەرىڭىزدى ارتتىرۋ ءۇشىن بارلىق جاعداي جاسالۋدا. الداعى ۋاقىتتا تالانتتى دا تالاپتى ايەلدەر قوعامدىق-ساياسي ءومىردىڭ ءتۇرلى سالاسىندا زور جەتىستىككە جەتەتىنىنە سەنەمىن. سىزدەرگە مىقتى دەنساۋلىق، باق-بەرەكە جانە تولاعاي تابىس تىلەيمىن!"، - دەلىنگەن قۇتتىقتاۋىندا.